Ukraina tashqi ishlar vaziri Rossiyaning ultimatumlari qabul qilinmasligini aytdi

^{Foto: Reuters}
Ukraina Rossiya bilan muzokaralarning yangi raundiga tayyor, ammo qachon boʻlib oʻtishini bilmaydi, dedi Ukraina tashqi ishlar vaziri Dmitriy Kuleba. U Kiev diplomatiyaga tayyorligini, ammo Moskvaning ultimatumlari qabul qilinmasligini aytdi.

«Muzokaralarning birinchi raundi boʻlib oʻtdi. Rossiyaliklarning talablari oʻzgarmayapti – bular Putin oʻz murojaatida aytgan talablar»,— dedi Kuleba.

«Biz muzokaralarga, diplomatiyaga tayyormiz, ammo aslo Rossiyaning ultimatumlarini qabul qilishga tayyor emasmiz»,— deya qoʻshimcha qildi u.

Kulebaning soʻzlariga koʻra, yangi muzokaralar qachon oʻtkazilishi hozircha noma'lum.

Avvalroq, Ukraina prezidenti ofisi maslahatchisi Aleksey Arestovich Rossiya bilan muzokaralarning ikkinchi raundi 2 mart kuni kechqurun oʻtkazilishini aytgandi. Uchrashuv oʻtkazilishini Rossiya prezidenti matbuot kotibi Dmitriy Peskov ham tasdiqlagan. “Zamin”ni Telegramʻda oʻqing!