AQSH davlat kotibi ukrainalik hamkasbi bilan bu gal noodatiy vaziyatda ko‘rishdi. Foto: Twitter/Blinken
AQSH davlat kotibi Entoni Blinken 5 mart kuni Ukraina tashqi ishlar vaziri Dmitriy Kuleba bilan uchrashdi. Vazirlar uchrashuvi Ukraina–Polsha chegarasida kuchli xavfsizlik choralari ostida kechdi.
Davlat kotibi urush davom etayotganiga qaramay chegara orqali Ukraina hududiga bir necha qadam qo‘ygan.
Uchrashuvda Ukrainaga qo‘shimcha qurol-aslaha yetkazish, Rossiyaga nisbatan navbatdagi sanksiyalarni joriy etish, harbiy harakatlar to‘xtatilmasa, mamlakatni xalqaro hamjamiyatdan yanada kuchli ihotalash masalalari muhokama etilgan.
E.Blinken Rossiya prezidenti V.Putin tomonidan Ukrainaga bostirib kirish buyrug‘ining berilishini mudhish xato deb atagan va Kiyevga harbiy, iqtisodiy hamda gumanitar ko‘mak kuchaytirilishiga va’da bergan.
«Bugun do‘stim Dmitriy Kuleba bilan Ukraina–Polsha chegarasidagi uchrashuvimiz ilhombaxsh ruhda kechdi. U va prezident Zelenskiy namoyish etayotgan yetakchilik va jasurlik tahsinga sazovor. Qo‘shma Shtatlar hamda butun dunyo ularni va Ukraina xalqini qo‘llab-quvvatlashda davom etadi», – deb yozadi AQSH bosh diplomati ijtimoiy tarmoqdagi rasmiy sahifasida.
Davlat kotibi Blinken mazkur safar davomida Polshaning TVN telekanaliga bergan intervyusida ko‘pchilikni o‘ylantirayotgan masala – Rossiyaning Ukrainadagi harbiy harakatlarini to‘xtatish yo‘llari xususida ham fikrlarini bayon qilgan. Xususan, bu borada iqtisodiy-moliyaviy jazo choralari va cheklovlarni alohida qayd etgan.
«Sanksiyalar ko‘pchilik bir oy yoki olti hafta muqaddam tasavvur qilganidan ham kuchli ta’sir o‘tkazayotir. Chunki bu jarayonga juda ko‘plab mamlakatlar bosh qo‘shdi. Rossiyadagi yirik moliya tuzilmalariga cheklovlar joriy etilishi, muhim yo‘nalishlarni modernizatsiya qilish uchun texnologiyalar yetkazishning to‘xtatilishi, oligarxlar hamda ularning oilalariga to‘g‘ridan-to‘g‘ri sanksiya kiritilishi – bularning bari kuchli, ko‘lamli ta’sirga ega», – deydi davlat kotibi.
S.Salim
AQSH davlat kotibi1, Ukraina–Polsha chegarasi1, Entoni Blinken1, Dmitriy Kuleba1, Urushni to‘xtatish1 Rossiya va Ukraina urushi “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Turkiya o‘zining birinchi kvant kompyuterini taqdim etdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Har payshanba jismoniy tarbiya va sport kuni sifatida belgilanadi
