Putin va Lukashenkoning Kremldagi uchrashuvi besh soat davom etdi

^{Foto: Rossiya prezidentining matbuot xizmati}
Moskvada Rossiya prezidenti Vladimir Putin hamda Belarus davlat rahbari Aleksandr Lukashenko oʻrtasida muzokaralar oʻtkazildi. Ikki mamlakat rahbarlarining uchrashuvi 5 soat davom etdi. Muzokaralarning eng asosiy mavzularidan biri Ukrainadagi vaziyat muhokamasi boʻldi, deb yozmoqda «Kommersant'».

Uchrashuvda Aleksandr Lukashenko Belarusga goʻyoki Ukraina tomonidan hujum tayyorlangani, shu sababli ham ularning pozitsiyalariga zarbalar berilgani haqida gapirdi. Lukashenko bu boradagi tegishli dalillarni Rossiya prezidentiga xaritadan koʻrsatishni va'da qildi.

«Ha biz siz bilan vertolyotda oʻtirganimizda doimiy ravishda hisobot berib borishdi. Hozir men sizga Belarusga aynan qaysi tomondan hujum tayyorlanganini koʻrsataman. Operatsiyadan olti soat avval pozitsiyalarga xavfsizlik ogohlantirish zarbalarini berdik, hozir oʻzim bilan olib kelgan xaritadan koʻrsataman, ular bizning, ya'ni Belarus va Rossiyaning oʻquv mashgʻulotlarida boʻlgan qoʻshiniga hujum qilgan. Urushni biz yuzaga keltirmadik, vijdonimiz toza. Yaxshiyam uni boshlab oldik»,— deya Lukashenko soʻzlaridan iqtibos keltirgan Kreml rasmiy sayti.

Shuningdek, Lukashenko yarim yildan keyin odamlarning iqtisodiyot tomonidan nimalar boʻlganini yodidan chiqarishini, ushbu qiyinchiliklarning vaqtinchalik ekanini qayd etgan.

Vladimir Putin bunga javoban hozirda iqtisodiyotga kuchli zarba berilayotgani, ammo soʻnggi yillarda gʻarb Rossiya va Belarusga qarshi joriy etgan taqiqlardan keyin ushbu ikki mamlakat yangi va eski texnologik vakolatlarni qayta tiklaganini bildirgan hamda belaruslik hamkasbiga bu borada fikr almashishni taklif etgan. Uchrashuvning qolgan qismi yopiq eshiklar ortida oʻtgan. “Zamin” yangiliklarini “Telegram”da kuzatib boring