Zelenskiy eng yomon ahvol kuzatilayotgan hududni aytdi

Ukraina prezidenti Vladimir Zelenskiy Rossiya qo‘shinlari egallab olmoqchi bo‘lgan Mariupolda urush paytida o‘n minglab odamlar halok bo‘lganini aytdi. Bu haqda u Janubiy Koreya parlamentiga murojaati chog‘ida ma’lum qildi.

«Eng yomon ahvol Mariupolda... Shahar vayron qilingan. O‘n minglab qurbonlar bor. Ammo shunga qaramay, ruslar hujum operatsiyasini to‘xtatmayaptilar. Ular Mariupolni namoyishkorona vayron qilingan shaharga aylantirmoqchi», — dedi Zelenskiy.

Zelenskiy, shuningdek, Rossiya yangi hujum uchun o‘n minglab qo‘shin yig‘ayotganini ham aytdi.