Saharlik paytida engil taomlanish lozim. Jahon sogʻliqni saqlash tashkiloti Ramazon oyida sogʻlom ovqatlanish boʻyicha tavsiyalar berdi. Qayd etilishicha, “ogʻizni yopish”dan oldin ovqat eyish lozim.
“Saharlik paytida engil taomlanish lozim. Bu ayniqsa roʻza tutishni maqsad qilgan katta yoshdagi insonlar, oʻsmirlar, homilador ayollar, emizikli farzandi bor onalar hamda bolalar uchun ham muhim”, - deyiladi xabarda.
Ta'kidlanishicha, engil nonushta sifatida sabzavotlar, tarkibida uglevod mavjud boʻlgan donli nonlar yoki bulochkalar, sut mahsulotlari (tuzsiz pishloq, suzma, sut) yoki tuxum kabi oqsilga boy mahsulotlarni iste'mol qilish foydali.
Koʻp miqdordagi tanavvul jigʻildon qaynashi va bezovtalikka sabab boʻlishi qayd etilgan.
Saharlik uchun JSST tavsiyalari:
- ikki burda non;
- sabzavotli omlet yoki yaxshi qaynatilgan tuxum;
- toʻgʻralgan sabzavotlar;
- pishloq yoki sut mahsulotlari;
- choy;
- etarli miqdorda suv.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
