Jazirama yozda qanday ovqatlarni iste’mol qilish mumkin-u, nimalar yeyish tavsiya etilmaydi?

^{Foto: “Yandex”}

Mutaxassislarning ta’kidlashicha, yozda organizmni oziq-ovqat bilan zo‘riqtirishning hojati yo‘q.

Issiqda eng yaxshi ovqat qaysi?

Issiq havoda sabzavot va mevalarga ustunlik berish kerak. Ularni ham yangi, ham salatlar, ragu va sho‘rvalar shaklida tanovul qilish mumkin.

Bundan tashqari, apelsin, o‘rik, nok, shaftoli, uzum, olxo‘ri, qovun, nordon rezavorlar, masalan, uzum va smorodina yozda organizmni kerakli elementlar bilan to‘ldirishga yordam beradi. Ko‘katlar haqida ham unutmang. Parranda go‘shti, yog‘siz baliq va ba’zi dengiz mahsulotlari mavsumga mos keladi.

Sut mahsulotlari orasida fermentlangan sut mahsulotlari, masalan, shakarsiz kefir tavsiya etiladi.

Non va non mahsulotlarini me’yorida iste’mol qilish lozim. Muzqaymoqni ko‘p miqdorda yeyish yaramaydi, bu mahsulotni tanlashda tabiiy tarkibga ega mahsulot ekaniga ahamiyat qarating.

Qanday mahsulotlar va taomlar yemaslik lozim?

Tark etilishi kerak:

• yog‘li go‘sht va baliq;
• tuzlangan oziq-ovqatlar, jumladan, kraker va chipslar;
• achchiq ovqatlar, souslar;
• og‘ir o‘simlik oziq-ovqatlari, masalan, kartoshka va dukkaklilar;
• juda ko‘p bo‘yoq va lazzat kuchaytirgichlari bo‘lgan shirinliklar, ayniqsa, muzqaymoq;
• pishirilgan mahsulotlar, buterbrodlar, fastfud (gamburger, hot dog, shaurma), kremli qandolat mahsulotlari;
• ko‘p komponentli salatlar, ayniqsa, mayonez yoki smetana bilan qo‘shilgan;

Xulosa qilib aytganda mutaxassislar issiq havoda kelgusi vaqt uchun zaxira taom pishirishni to‘xtatish kerakligini qo‘shimcha qiladi. Qolgan ovqatlar muzlatgichda bir kundan ortiq bo‘lmagan muddatda saqlanishi kerak.

Manba: Daryo.uz