Mandarin meʼyoridan ko‘p isteʼmol qilinsa, organizmda qanday o‘zgarishlar bo‘ladi?

^{Foto: Shutterstock/Fotodom.ru}

Mandarin — qish va yangi yilning anʼanaviy ramzi hisoblanadi. Oldinlari bayram arafasidagina bir-ikki dona bo‘lardi. Endi esa butun yil davomida kilogrammlab isteʼmol qilish mumkin. Lekin har doim ham me’yoridan ko‘p iste’mol qilish tavsiya etilmaydi.

Mandarin ko‘p isteʼmol qilish qanday oqibatlarga olib keladi?

• Shakar miqdori ko‘pligi glyukozaning ortishiga sabab bo‘ladi va charchoq, holsizlikka olib keladi. Bu qandli diabetning rivojlanish xavfini oshiradi;
• Qorin dam bo‘lishi;
• Allergik reaksiyalar paydo bo‘ladi. Sitrus mevalar ko‘p isteʼmol qilinsa, tanada qichishish, qizarishlar paydo bo‘lishi mumkin;
• Oshqozon-ichak kasalliklari ko‘paymoqda. Hazm qilish bilan muammosi bor insonlar, gastrit va yondosh kasalliklar bilan kasallanganlar meva tarkibida katta miqdorda kislota mavjudligi sababli, ko‘p mandarin isteʼmol qilmasliklari kerak;
• Vazn ortishi. Albatta, bir-ikki dona bilan hech narsa o‘zgarmaydi, lekin muntazam ravishda isteʼmol qilinsa, tanada shakar miqdorining oshishi sabab vazn ortadi.

Mandarinni to‘g‘ri isteʼmol qilish:

• mevalarni odatda ovqatdan yarim soat oldin yoki ovqatlanib bo‘lgandan keyin ikki soat o‘tib isteʼmol qilish tavsiya etiladi;
• kuning birinchi yarmida. Bu vazn va kislota darajasining oshishi bilan bog‘liq. Uxlashdan oldin mandarin isteʼmol qilish natijasida ko‘ngil aynish holati bo‘lishi ham mumkin;
• bir vaqtning o‘zida 3-4 tadan ko‘p mandarin isteʼmol qilmaslik kerak. Kunlik ratsionda mevalar bo‘lgani yaxshi, lekin birinchi galda xilma-xillik;
• och qoringa isteʼmol qilmaslik. Surunkali oshqozon-ichak kasalliklari kuchayishi mumkin.

“Zamin” yangiliklarini “Facebook”da kuzatib boring