Yapon donishmandligi namunalari

Agar muammoni hal qilish mumkin bo‘lsa, u haqda tashvishlanishga hojat yo‘q. Agar uni hal qilish mumkin bo‘lmasa, u holda tashvishlanishning foydasi yo‘q.

* * *

O‘ylab qaror qil, qaror qildingmi – o‘ylama.

* * *

Ketayotganni to‘xtatma, kelganni quvma.

* * *

Tez – bu sekin, lekin tanaffussiz degani.

* * *

Er va xotin qo‘l va ko‘zdek bo‘lishlari lozim: qo‘l og‘riganida ko‘zlardan yosh chiqadi, ko‘zlardan yosh chiqqanida esa qo‘l ko‘zyoshlarni artadi.

* * *

Ba’zida yaproq cho‘kishi, tosh esa suzishi mumkin.

* * *

So‘rasang – bir daqiqa uyalasan, so‘ramasang – bir umr uyalasan.

* * *

Yotgan odam hech qachon qoqilib ketmaydi.

* * *

Muhabbat bor joyda yuzdagi yara ham kulgich kabi chiroyli ko‘rinadi.

* * *

Sovuq choy va sovuq ovqatga chidash mumkin, lekin sovuq nigoh va sovuq so‘zga chidab bo‘lmaydi.

* * *

Qayg‘u yirtiq ko‘ylakka o‘xshaydi, uni uyda qoldirgan ma’qul.

* * *

Oddiy odamlarsiz buyuk odamlar bo‘lmaydi.

* * *

Yomon odamga do‘st bo‘lgandan ko‘ra yaxshi odamga dushman bo‘lgan ma’qul. “Zamin”ni Telegramʻda oʻqing!