So‘nggi yillarda iqlim o‘zgarishi tufayli dunyo bo‘ylab issiq to‘lqinlari ko‘paymoqda. Mutaxassislarning aytishicha, uzoq davom etadigan issiq havoda inson tanasi tezda suvsizlanadi va yurak-qon tomir tizimiga katta yuk tushadi. Bu esa, ayniqsa, bolalar, keksalar va surunkali kasalligi borlar uchun xavfli hisoblanadi.
Shifokorlar issiq kunlarda ko‘proq suyuqlik ichish, iloji boricha quyosh tig‘ida ko‘p yurmaslik va yengil kiyim kiyishni maslahat berishmoqda.
Agar odamda bosh og‘rig‘i, bosh aylanishi yoki hushdan ketish holati kuzatilsa, bu issiqlik urishining belgilari bo‘lishi mumkin. Bunday vaziyatda darhol salqin joyga olib chiqib, shifokorga murojaat qilish zarur. Tezkor yordam ko‘rsatilmasa, issiqlik urishi hayot uchun xavf tug‘dirishi mumkin.
Mutaxassislar ta’kidlashicha, Issiq mavsumda har bir fuqaro o‘zini va yaqinlarini himoya qilish uchun ehtiyot choralariga qat’iy amal qilishi lozim.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
