Shvetsariya Markaziy Yevropada joylashgan kichik, ammo rivojlangan mamlakatdir. Uning poytaxti Bern hisoblanadi. Bu mamlakat to‘rtta rasmiy tilda so‘zlashadi: nemis, fransuz, italyan va retoroman.
Shvetsariya dunyoda o‘zining betakror tabiati bilan mashhur. Hududining katta qismi Alp tog‘laridan iborat bo‘lib, bu joylar sayyohlar uchun sevimli maskan sanaladi. Mamlakat 1815-yildan beri harbiy neytrallik siyosatini yuritib, urushlarda ishtirok etmay kelmoqda.
Shvetsariya shokolad va soatlar ishlab chiqarishda yetakchi o‘rin egallaydi. Shuningdek, shvetsariyaliklar yiliga o‘rtacha 10 kilogramm shokolad iste’mol qiladi.
Shvetsariyada ekologiya muhim o‘rin tutadi – chiqindilarni ajratib tashlash majburiy hisoblanadi. Shu jihatlari bilan Shvetsariya dunyodagi eng tinch va qulay yashash joylaridan biri sifatida e’tirof etiladi.
“Zamin”ni Telegramʻda oʻqing!
