Soch o‘sishini qanday tezlashtirish mumkin?

Uzun va qalin sochlar — ko‘pchilik qizlarning orzusi. Biroq hamma ham uzun sochlarni o‘stira olmaydi. Ba’zan ular istalgan uzunlikka etmasdan sinuvchan bo‘lib qoladi. Bunday muammolarning oldini olish uchun sabablarni aniqlab, sochlar uchun tashqi va ichki parvarishni ta’minlash lozim, deb yozadi Daryo nashri.

Sochlar o‘sishiga ta’sir qiluvchi ichki omillar

Birinchi navbatda, bu ruhiy holatdir. Agar siz tushkun, stress va surunkali uyquga to‘ymaslik bilan bog‘liq sharoitda yashayotgan bo‘lsangiz organizmning sochlarga e’tibor qaratish uchun kuch topishi dargumon. Ko‘proq dam oling va xotirjam hayot kechiring, sport bilan shug‘ullaning.

Taom orqali sochlar uchun qurilish materiallari, shuningdek, moddalar almashinuvi va sochlar o‘sishini tartibga soluvchi materiallarni olamiz. Shuning uchun meva va sabzavotlar, yong‘oq, ko‘katlar, sutli mahsulotlar, tuxum va baliq uchun taomnomangizdan alohida joy ajrating. Har kuni yog‘ (zaytun) iste’mol qilish va etarli miqdorda suv (kuniga 1,5—2 litr) ichish haqida ham unutmang.

Tashqi sabablarga kelsak, sochlarga nisbatan qo‘llaydigan jismoniy va kimyoviy vositalarga e’tibor qaratish lozim. Bularga fen bilan quritish, bo‘yash kabilar misol bo‘la oladi. Agar siz uzun sochlarga erishishni juda istasangiz ukladka vositalaridan vaqtinchalik bo‘lsa-da voz keching.

Soch o‘sishini tezlashtiruvchi qanday vositalar mavjud?

1. Bosh terisini muntazam massaj qilish. Kanakunjut yoki chakamug‘ yog‘i massaj foydasini yanada oshiradi.
   
2. Niqob va losonlar. Qalampirli va piyozli niqoblar qon aylanishini yaxshilab, soch ildizlarini zarur oziqlantiruvchi moddalar bilan ta’minlaydi.
   
3. Yana bir samarali vosita — nikotin kislotasi. U soch o‘sishini tezlashtirish va ularni mustahkamlash uchun bosh terisiga suriladi. U tomirlarni kengaytiruvchi effektga ega.
   

“Zamin” yangiliklarini “Telegram”da kuzatib boring