Hayotdan zavq olib yashashning 11 usuli

Statistik ma’lumotlarga qaraganda insonning o‘rtacha umri 75-85 (70-75 yoshgacha erkaklar, 80-85 ayollar) ekan. 75 yil uzundek tuyuladi, aslida esa juda ham oz muddat. Umr qisqa! Biz bu haqida juda ham ko‘p bor eshitganmiz ammo ma’nosini qay darajada anglaymiz? Bu jumlaning ma’nosi shuki: o‘zingizni qiynab umr kechirish emas aksincha, hayotdan lazzat olib yashashingiz lozim. Pozitiv energiyani ko‘paytiring! Qanday qilib deysizmi? Buning sodda usullari mavjud. Ushbu maqolada biz ichimizdagi pozitiv quvvatni oshirish uchun qilishimiz kerak bo‘lgan oddiygina harakatlar haqida so‘z yuritamiz. Demak, boshladik.

1. Jilmaying. Har safar labingizga tabassum yugurganida tanangiz emosional xolatni oshiradigan endorfin ishlab chiqara boshlaydi. “Tabassum asab tolalarini faollashtirish yo‘li bilan bizda baxt hissini uyg‘otadi. Shuningdek, salomatligimiz uchun ham foydalidir”, deb yozadi “Psychology Today”.
2. Kuling. Shunday vaziyatlar ham bo‘ladiki, kulishingni ham yig‘lashingni ham bilmay qolasan. Bunday
vaziyatda yig‘lab yengil tortib olish mumkin. Ammo vaziatni yengillashtirib miriqib kulib olgan yaxshiroq. Kulgu va xushchaqchaqlik shifobaxsh xususiyatga ega bo‘lib, omadsiz kunni ham muvafaqqiyatli qilib yuboradi. Kuling, zero kulgu umringizni uzaytiradi.
3. Shukrli bo‘ling. Ko‘pchilik bu dunyoda qolganlarga qaraganda omadli ekanliklarini unutib qo‘yadilar. Atrofga nazar solib sizdanda muhtoj va sizdanda omadsizlar borligini o‘ylab ko‘ring. Shukronalik hissi avvallari sezilmagan atrofingizdagi to‘kinlikni ko‘rishga yordam beradi.
4. Ochiq havoda sayr qiling. Ishxona yoki uyingizdan tashqariga chiqib, ochiq osmon ostida sayr qilish va tabiat bizga in’om etgan go‘zallikdan bahramand bo‘lish, yuzaga kelishi mumkin bo‘lgan stressdan eng yaxshi davo. Mazkur muolaja usulini ko‘plab olimlar ta’kidlab o‘tishgan.
5. Hissiyotlarga berilmang. O‘zingizga bo‘lgan muhabbatni uyg‘otishning eng samarali usuli bu — o‘z hissiyotlaringizga quloq solishingizdir. Sizdagi yuzaga keladigan barcha hissiyot bejiz emas, albatta. Bu hissiyotlarga beparvolik qilish esa yaramaydi.
6. O‘zingizga biroz muhabbat ulashing. Ba’zan o‘zingizga muhabbat ulashishingiz lozim. Sababi Siz boshqalardan ko‘ra o‘zingizning muhabbatingizga ko‘proq munosibsiz. Tabiat qo‘yniga chiqing. Miriqib uxlab dam oling. O‘zingiz yoqtirgan restoranga boring. Sizga huzur olib keladigan sevimli mashg‘ulot bilan shug‘ullaning.
7. Bugungi kun bilan yashang. O‘tib borayotgan oningizdan zo‘rroq lahza hech qachon bo‘lmaydi. Ayni damga butun e’tiboringizni jamlashingiz zarur. O‘tmish va kelajakni esa ikkinchi darajaga olib qo‘ying. Insoniyat o‘tmishda bajara olmagan holatlari, sodir bo‘lishi mumkin bo‘lgan vaziyatlari haqida o‘ylashni yaxshi ko‘radi. Ammo biz ayni damda boshqa vaziyat va boshqa vaqtda yashashimiz mumkin emas. Zero o‘tib borayotgan ayni lahzalar hayotimizning bir bo‘lagidir.
8. O‘z chegarangizni himoya qiling. O‘z qarashlaringizni himoya qiling. Sizni o‘rab turgan insonlar siz bilan muomalada nimalar mumkin, nimalar esa ta’qiqlanishini bilib qo‘ysinlar. Bu sizga bo‘lgan munosabatda haqqoniy yondashuv bo‘ladi.
9. Tempni pasaytiring. O‘zingizni erkin tuting. Bugun uyingiz yoki ishxonangizgacha bo‘lgan yo‘lda ketayotganda jarayonning o‘zidan zavq oling. Yo‘l-yo‘lakay oldinda turgan muammolarni unuting. Chuqur nafas olib, hayotdan lazzat oling.
10. Zaharlaydigan kishilardan qoching. Vaqti-vaqti bilan bizga “Zaharli insonlar” duch keladi. Ular bilan suhbatdan so‘ng bizlarni noxushlik, achinish va bezovtalik hissi qamrab oladi. Bu kabi odamlardan qochish va ular bilan iloji boricha juda ham kam suhbatda bo‘lishimiz lozim.
11. Baxtingizni o‘zgalar bilan ulashing. O‘z baxtingizni, quvonchigizni boshqa insonlar bilan o‘rtoqlashing. Bu bilan siz suhbatdoshingizga beg‘araz yordam ko‘rsatgan bo‘lasiz. Siz nafaqat o‘zingizni yaxshi his etasiz balki, kimningdir hayotini o‘zgartirib yuborishingiz ham mumkin.

Manba: Mulohaza.uz “Zamin” yangiliklarini “Facebook”da kuzatib boring