Oldingizga qo‘ygan maqsadingizga erishishda sizga xalal beruvchi qo‘rquvlarni yengish juda muhim.
1. Noma’lumlikdan qo‘rqish
Miya bizni xavfdan himoya qilish maqsadida o‘zimizga qulay bo‘lgan holatdan chiqishimizga yo‘l bermaydi. Aynan shuning uchun biz noma’lumlikdan qo‘rqamiz va unga qarshilik ko‘rsatamiz.
Lekin hech kim bir joyda o‘tirib va hech narsa qilmasdan muvaffaqiyatga erisha olmaydi. Buning uchun harakat qilish kerak. Ko‘p yurilgan yo‘llardan yurmang. Bir joyda qolib ketish qo‘rqinchli, oldinga qarab harakat qilish va biron-bir yangi narsa bilan to‘qnash kelish — bu qiziqarli. Hayot sizga taqdim qilganlaridan foydalaning. Bu sizga yangi imkoniyatlarni ochadi.
2. Omadsizlikdan qo‘rqish
Bu odamlar joyidan qo‘zg‘ala olmasliklarining asosiy sabablaridan biri. Biz bu yo‘lda o‘zimizda borini ham yo‘qotishdan qo‘rqamiz. Bizni doim to‘xtatib turuvchi siyqasi chiqqan «Agar… bo‘lsa-chi?» degan savollarga berilamiz: Agar men u kabi bo‘lolmasam-chi? Agar urinish muvaffaqiyatsiz bo‘lsa-chi? Hammasidan ajralib qolsam-chi?
Omadsizlik — bu muvaffaqiyatga olib boruvchi pillapoyalarning navbatdagi pog‘onasi hisoblanadi. Va siz undan qochib qutulishingiz amri mahol. Lekin siz sanoqsiz imkoniyatlarni qo‘ldan chiqaraversangiz, unda o‘zingiz har doim orzu qilgandek inson bo‘la olmaysiz. Shuning uchun ularni majburiyatdek emas balki yangi tajriba va bilimlar olish imkoniyatlari deb qabul qiling.
3. Muvaffaqiyatdan qo‘rqish
Bu biroz g‘alati eshitilishi mumkin, lekin ba’zi odamlar aynan shundan qo‘rqishadi. Ba’zan biz qaysidir vazifalarni bajara olishimizni bilsak ham baribir uni qilmaymiz. Bunga sabab muvaffaqiyatlarimiz haqida boshqalarning nima deb o‘ylashi bizni bezovta qiladi. Oiladagilar yoki do‘stlar bizdan ma’lum bir harakatlar va natijalar kutishadi. Shuning uchun ularning ishonchlarini oqlay olmaslik va pand berib qo‘yishdan qo‘rqish hissi paydo bo‘ladi.
Atrofdagilar tomonidan qilinayotgan bosim haqida o‘ylamang. Va diqqat markazida bo‘lishdan qo‘rqmang, faqat shundagina siz ko‘zlagan maqsadlaringizga erisha olasiz.
Manba: «Daryo.uz» “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
AQSH Isroilning ikki vaziriga sanksiya qo‘llamoqchi
Borrel YEIning Isroil bilan muloqotini to‘xtatishni taklif qildi
Rossiya armiyasi Kupyanskka kirgani aytilmoqda
Erdo‘g‘on Turkiya Isroil bilan aloqalarini uzganini ma’lum qildi
AQSH harbiylari orasida o‘z joniga qasd qilish ko‘paydi
Har qanday katta yoshdagi kishi yetuk emas
Yaxshi pishgan va mazali anor tanlashga yordam beradigan tavsiyalar
