Kunni kulgi bilan boshlang

— Nega haliyam uylanmading?

— Arzirli qiz topolmayapman. Topganim onamga yoqmaydi.

— Unda onangga o‘xshaganini top, muammo bo‘lmaydi!

— Topgandim, otamdan baloga qoldim.
* * *
Ayol hayvonot bog‘ida yurib tuyaqushlar bilan qiziqib qoldi va bog‘ xodimidan so‘radi:

— Ayting-chi, tuyaqush ham pat tashlaydimi?

— Ha, yerda yuz dollar yotganini ko‘rsa, shu zahoti pat tashlavoradi.
* * *
— Og‘ayni, bolalikdagi orzularingning birontasi ushaldimi?

— Ha, bittasi ushaldi.

— Qaysisi?

— Bolaligimda otam sochlarimdan tortib kaltaklasa, doimo kal bo‘lib qolishni orzulardim.
* * *
Ona besh nafar farzandi bilan markaziy do‘konlardan birining liftiga kirdi-da, kuzatuvchiga dedi:

— Bolalar bo‘limiga!

Shunda bolalardan biri dedi:

— Oyi, sizga besh farzand kamlik qilyaptimi?
* * *
Pingvin bolasi barga kirib sotuvchidan so‘radi:

— Dadamni ko‘rmadingizmi?

— Yo‘q, ko‘rinishi qanaqaydi?
* * *
— Menga qara, bizning eng faol yo‘l patrul xizmati xodimimiz qani?

— Ishda yonib ketibdi?

— Qanaqasiga?

— Ajdarning mashinasini to‘xtatib, ichgan-ichmaganini tekshirish uchun puflatgan ekan.
* * *
Sichqon iniga hammayog‘i tirnalgan holda kirib keldi-da, qarindoshlariga dedi:

— Qora mushukning baxtsizlik keltirishiga mana endi ishondim.
* * *
Jinni uyali telefonlar saloniga kelib dedi:

— Kechagina sizlardan telefon sotib olgandim. Ishlamayapti.

— Nega ishlamaydi? Biz shu yerning o‘zida tekshirib bergandik-ku!

— Mana, qaranglar, men o‘z raqamimga qo‘ng‘iroq qilsam, doim band ko‘rsatyapti.
* * *
Bir bolakay tijorat qilmoqchi bo‘ldi va har kuni onasiga somsa pishirtirib bozorda sota boshladi. Bir erkak har kuni kelardi-da, besh yuz so‘m berardi, lekin somsa olmasdi. Nihoyat kunlarning birida erkak bolakaydan so‘radi:
— Sen pul berib nega somsa olmayotganimga hayron bo‘lgandirsan-a?
— Yo‘q, hayron bo‘lganim yo‘q. Lekin aytib qo‘yishim kerak, somsa bugundan boshlab ming so‘mdan sotilyapti.
* * *
Erkaklarga foydali maslahat:

— Agar xotiningiz yomon kayfiyatda uxlab, yaxshi kayfiyatda uyg‘onsa, tushida kimni ko‘rganini surishtiring!

Manba: Hordiq.uz

Yangiliklar