“Domofon” ajoyib narsa-da! Er zinadan ko‘tarilguncha xotin televizor, kompyuterlarni o‘chirib, beliga fartuk taqib, telefonning go‘shagini qo‘yib… idish-tovoq yuvayotgan bo‘lib turishga ulguradi…
***
Bugungi kunda ahmoqona ish qilish kam, tag‘in uni internetga ham qo‘yish shart!
***
Xotin uyqudan uyg‘onib dedi:
— Dadasi, hamyonni tekshirib ko‘ring-chi, tushimda juda ko‘p pul ishlab topganmishmiz.
— Pul yo‘q. Biz u pulning hammasiga mening tushimda dengizga borib dam olib keldik…
***
Mehmonda:
— Kechirasiz, sizlarda “Nokia”ning quvvat oluvchisi bormi?
— Bor.
— Ajoyib! Bir haftaga sizlarnikida qolsam, maylimi?
***
Qorong‘i tushayotganda ota derazadan qarab, ko‘chada o‘ynab yurgan o‘g‘liga baqirdi:
— Boirtoy, uyga kirishni o‘ylayapsanmi?
— O‘ylayapman.
— Xo‘sh?
— Yana birpas o‘ylay!
***
Erkaklar shuncha ko‘p yolg‘on gapirishmasdi… Agar ayollar bunchalar ko‘p so‘roqqa tutaverishmaganda…
***
Turmushga chiqish — mazza! Axir umringning oxirigacha jig‘iga tegishdan rohatlanadigan odamni topishning o‘zi bo‘ladimi?!
***
Bola onasiga kundaligini uzatayotib, dedi:
— Oyijon, eng muhimi, hammamiz sog‘miz, to‘g‘rimi?
***
Xotin — oshpaz, idish-tovoq yuvuvchi, kir yuvuvchi, hamshira, o‘qituvchi, tarbiyachi, tikuvchi, hisobchi, ruhshunos, ma’shuqa… Er esa ishdan charchab keladigan dam oluvchi, xolos.
***
— Dadasi, menga tabiat bilan bog‘liq bitta chiroyli gap ayting!
— Azizam, tishlaring kuz rangiga kiribdi!
***
Er uyga kelib, dedi:
— Xotinjon, bugun maosh oldim!
— Xursandman, rahmat!
— Maoshimizni uch baravar oshirib to‘lashdi.
— Buncha yaxshi! Mening dunyodagi eng zo‘r erjonim!
— Yoniga mukofot puliyam qo‘shib berishdi.
— O‘zimning bebahoim, bugun bayram ekan-da?
— Bayram, azizam! Shuning uchun ham bor pulimning hammasiga senga gul sotib oldim!
— Voy, esingizni yeganmisiz?!
***
Ota-bola birga dars tayyorlamoqda:
— Mana, bolajonim, o‘zing hisobla. Onangda 10 ming pul bor. Menda 60 ming so‘m bor. Qani, ayt-chi, onangda qancha pul bor?
— 70 ming.
— To‘ppa-to‘g‘ri!
***
Eng aqlli qushlar, yozdayam issiq mamlakatlarda qolishadi…
***
Yo‘l chekkasida turib olib, yosh bolalarga tekinga konfet tarqatayotgan kishini ko‘rgan yo‘lovchi hayron bo‘lib so‘radi:
— Bolangizni qidirayapsizmi?
— Yo‘q, men tish do‘xtiriman!
***
— Bizning korxonamizda ishlab, qancha maosh olishni istardingiz?
— “Voy, shularning hammasi mengami?” deydigan miqdorda!
***
Telesuxandon:
— Hurmatli ayollar, oshxonada pishayotgan taomlaringiz tagiga olmasligi uchun serial namoyishini besh daqiqagacha to‘xtatib turamiz!
***
Boy bo‘lib ketish uchun yaxshi biznes ochishingiz, yoki oltin baliq tutib olishingiz kerak. Bilimingiz darajasiga qarab, yaxshisi, baliq oviga otlanganingiz ma’qul, deb hisoblayman.
***
Bugungi kunda uyning xo‘jayini — “internet”ga pul to‘laydigan odam!
***
— Hov, anavi yerda uch kishi bitta yigitni uryapti!
— E attang, telefonimning kamerasi yo‘q!
***
Restoranda xo‘randa so‘radi:
— Kechirasiz, menyuda yovvoyi o‘rdak bormi?
— Yo‘q, ammo siz uchun xonakisini g‘azabga mindirib berishimiz mumkin!
***
Baliq ovida:
— O‘g‘lim, menga ozgina non uzat!
— Nonning hammasini yeb qo‘ydim, dada!
— Unda onang pishirib berib yuborgan ovqatdan ber?
— Uniyam yeb qo‘ydim.
— Bo‘lmasa, chuvalchanglarni ham yeb qo‘yaqol, keyin narsalarni yig‘ishtirib uyga qaytamiz.
Dildora NAZAROVA tayyorladi.
Manba: tasvir.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Hatto meva mumkin emas: jigar uchun zararli uch odat
Chet el valyutalarining o‘zbek so‘miga nisbatan yangi qiymati belgilandi
Toshkentda voyaga yetmagan qizga shilqimlik qilgan yigitga sud hukmi o‘qildi
Asab tolalarini mustahkamlashda muhim bo‘lgan vitaminlar
Saudiya Arabistoni valiahd shahzodasi Falastin prezidenti bilan uchrashuv o‘tkazdi
Germaniyada rossiyalik shaxs ikki ukrainalik harbiyni pichoqladi
Timur Kapadze tarixiy natija qayd etilganidan so‘ng nimalar dedi?