Ayollarning kiyinishi, nutqi, so‘zlashishiga qarab qanday xarakterga ega ekanligini bilish mumkin. O‘tkazilgan qator tadqiqotlardan kelib chiqib, psixologlar ayollar qanday oyoq kiyimi tanlashlariga qarab ham ularning qarashlari va fazilatlarini bilib olish mumkin, degan xulosaga keldilar. Demak, bu haqda quyidagilar bilan tanishib qo‘yish foydadan xoli bo‘lmaydi.
POSHNALI TUFLI EGALARI
Ryumkasifat baland poshnali oyoq kiyim kiyadigan ayollar hammaning e’tiborini tortishni xush ko‘radi. Ular ko‘pincha biron narsaga erishish maqsadida ayollik latofati va malohatidan foydalanadilar. Bu toifadagilar o‘zlarining shaxsiy imkoniyatlari va jozibadorliklariga haddan tashqari ishonadilar. Shuningdek, erkak kishilar ularni doimo izzat-ikromda tutishi kerak, deb hisoblaydilar. Shunga ko‘ra, ular poyabzal tanlashda qulayliklardan ko‘ra ko‘proq modaga e’tiborni qaratadilar.
BOTINKASIFAT TUFLILAR
Bu usuldagi tuflilarni o‘ziga qulay deb hisoblovchi ayollar indamas, ko‘pincha faqat o‘zini o‘ylab ish tutadilar. Ular o‘zidan boshqalarga ishonishmaydi. Bu xarakter sohibalari nozik qalb egalari hamdir va ko‘pincha odamlar bilan muloqotda nomutanosibliklardan aziyat chekadi.
SPORT POYABZALI
Sport poyabzallari kiyishni xush ko‘ruvchilar turli xil g‘oyalar o‘ylab topishga usta bo‘ladi. Ular sayohat qilishni yaxshi ko‘radilar. Bir joyda uzoq o‘tirsalar, ma’yus bo‘lib qoladilar. Ko‘proq do‘stlari qurshovida bo‘lishni xohlaydilar. Ularning nuqtai nazarida nafaqat, poyabzal kiyishda, balki, umuman hayot kechirish sharoitlari qulay, osoyishta bo‘lishi kerak.
ENG SO‘NGGI URFDAGI TUFLILAR
So‘nggi urfdagi poyabzal kiyadigan modaparast ayollar hammadan ajralib turishni yoqtiradilar. Ular: “Odamlar kiyimga qarab munosabatda bo‘ladi” degan fikrni ma’qullaydilar, o‘zlari ham ana shu aqidaga amal qiladilar. Hayotni faqat bo‘yoqdor ranglarda, hashamat, bekamu ko‘st yashash tarzida tasavvur etadilar. Yaxshigina layoqatli bo‘lsalar-da, rahbarlik qilishda ularga g‘ayrat va shijoat yetishmaydi.
PLATFORMA USLUBIDAGI TUFLI
Bundan poyabzalni tanlagan ayollar ko‘pincha biror narsani hal qilishda xatolarga yo‘l qo‘yadilar. Ular birdaniga hamma narsaga erishishni istaydilar, lekin bunga erishish mushkulligini dildan his qilmaydilar. Ular to‘g‘riso‘z, o‘zlariga ishonchlari qat’iy, buyruq berish ularga xos xususiyat. Shuning uchun ko‘pincha muvaffaqiyatlardan boshlari aylanib qoladi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron AQSHdan 1 trln dollar kompensatsiya talab qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Turkiyaning Harper's Bazaar nashri yil ayolini aniqladi (foto)
20 yoshli o‘zbekistonlik qizni qarindoshi Turkiyaga sotib yubordi
Shols va Putin o‘rtasidagi suhbat Kiyevga signal bo‘ldi
Rashida Tolib Kongress a’zolariga «achchiq haqiqat»ning suratini ko‘rsatdi
Ayrim boshqaruv servis kompaniyalari shartnomalarida asossiz shartlar belgilangani aniqlandi
