Hamal
Yangi maqsadlar sari qadam tashlaysiz. Ularni amalga oshirish uchun shoshilinch ravishda ishga kirishasiz. Avvalo, fikringizni jamlab, reja tuzib oling. Hamda vaqtni to‘g‘ri taqsimlang. Aks holda qiynalib qolishingiz mumkin. O‘tkinchi ehtiroslarga berilmang. Dam olish kunlari sayohat qilish uchun qulay palla.
Savr
Ko‘pdan beri yechimini kutayotgan ishlarga jiddiy e’tibor bering. Ularni amalga oshirish fursati yetdi. Buning uchun sizdan jiddiy tayyorgarlik talab etiladi. Ayniqsa, xushmuomala ekaningiz, o‘zgalar bilan tez til topisha olish qobiliyatingiz katta yordam beradi. Eng muhimi, uzoq muddatli investitsiyalar bilan bog‘liq ishlarni muvaffaqiyatli amalga oshirasiz.
Javzo
Biror ishga kirishishdan oldin jiddiy o‘ylab ko‘ring. Buni bajarishim nechog‘li ahamiyatli, menga qanday foydasi bor, bajarmasam oqibati nima bo‘ladi, degan savollarga javob topishga urinib ko‘ring. Shunda ortiqcha ovoragarchilikning oldini olgan bo‘lasiz. Kichik, arzimasdek tuyulsa-da, barcha ishingizni o‘z vaqtida bajarishga harakat qiling. Sevgi, muhabbat bobida ortiqcha shov-shuv ko‘tarib, vahima qilmang. Hammasini vaqtga qo‘yib bering.
Saraton
O‘zingizni qushdek yengil his qilasiz. Atrofingizdagilar sizga havas bilan qarashadi. Hamkasblaringiz bilan ham munosabatlaringiz mustahkamlanadi. Ular sizni har tomonlama qo‘llab-quvvatlashadi. Turmush o‘rtog‘ingiz bilan munosabatlaringiz iliqlashib, bir-biringizni chuqurroq tushuna boshlaysiz. U siz uchun qulay shart-sharoitlar yaratib berishga harakat qiladi. Bundan xursand bo‘ling. Axir, bunga munosibsiz.
Asad
Hafta siz uchun omadli boshlanadi. Orzularingiz birma-bir ro‘yobga chiqadi. O‘zingiz havas qilgan joydan ishga taklif qilishlari mumkin. Xursandlikdan shoshib qolmang. Yaqinlaringiz bilan maslahatlashib, yangi ish joyidagi vaziyatni obdon o‘rganing. Pul bilan bog‘liq masalalarda ham hushyor bo‘ling. Keraksiz sarf-xarajatlar qilmang. Hafta so‘ngida romantik uchrashuvlar unutilmas taassurot qoldiradi.
Sunbula
Yaqinlaringizdan uzoqlashib ketmang. O‘zingizning borligingizni eslatib turing. Balki ayni dam ularga sizning yordamingiz kerakdir. Balki, aksincha, sizga ularning foydasi tegishi mumkin. Ishim ko‘p, vaqtim yo‘q, degan bahonalarni qilmang. O‘zingizga ham vaqt ajratishni o‘rganing. Dam olish kunlari ortiqcha ehtiroslarga berilmay, kundalik muammolarni hal qiling.
Mezon
Syurprizlarga tayyor turing. Ko‘pgina orzu-istaklaringiz amalga oshishi mumkin. Nimani xohlasangiz, o‘sha ishni bajarishga kirishing. O‘ylab o‘tirishdan hech qanday foyda yo‘q. Kutilmagan qo‘ng‘iroq yoki eski tanishingiz bilan bo‘lgan uchrashuv hayotingizda tub burilish yasashi mumkin. Ishda o‘zingizni ko‘rsatish va rahbariyatning e’tiborini qozonish uchun qulay imkoniyat tug‘iladi.
Aqrab
Anchadan beri rejalashtirib yurgan ishlaringizni bajarishga kirishasiz. Faqat bunda hissiyotlarga erk bermang. Aql bilan ish tutsangiz hammasi ko‘ngildagidek bo‘ladi. Moddiy ahvolingiz yaxshilanishi mumkin. Yulduzlar hozircha ortiqcha xarajatlardan tiyilishni maslahat berishyapti. Dam olish kunlari kutilmagan mehmonlar tashrifidan xursand bo‘lasiz. Ular bilan miriqib hordiq chiqarasiz.
Qavs
Ishlaringizni reja asosida amalga oshiring. Biznes hamkorlar bilan foydali shartnoma imzolashingiz mumkin. Ularning ishonchini qozonish uchun bor imkoniyatni ishga soling. Bu bilan yutqazmaysiz. Shanba va yakshanba — xaridlar uchun omadli kundir.
Jadiy
Bu hafta umuman shoshmashosharlikka yo‘l qo‘ymang. Har bir ishga aql bilan yondashing. Ana shunda barcha ishingizni muvaffaqiyatli amalga oshirasiz. Salomatligingiz bilan bog‘liq biror muammo bo‘lsa, kechiktirmay shifokorga murojaat eting. Va uning aytganlariga quloq soling. Dam olish kunlari ochiq havoda sayr qiling.
Dalv
Kutilmagan yangiliklardan xursand bo‘lasiz. Bundan ko‘p ham havolanib ketmay, o‘zingizni qo‘lga oling. Ishlaringizni navbati bilan bajarsangiz, qiynalib qolmaysiz. Bergan va’dalaringizni unutib qo‘ymang. Vaqtni boy bermay ularni bajarishga kirishing.
Hafta so‘ngida miriqib hordiq chiqarish uchun qulay imkoniyat tug‘ilishi mumkin. Biroq yaqinlaringiz bunga yo‘l qo‘ymaydi. Sizni ular bilan jiddiy suhbatlar kutmoqda.
Hut
Bir nechta muhim tadbirda ishtirok etib, tajribangizni oshirishingiz mumkin. O‘rganganlaringizni amaliyotga joriy etishga kirishasiz. Bajargan ishlaringizdan ko‘nglingiz ko‘tarilib, xursand bo‘lasiz. Haftaning ikkinchi yarmida kayfiyatingiz yanada ko‘tariladi. Qilgan mehnatingizni e’tirof etib, sizni mukofotlashlari ehtimoli bor. Bundan barcha yaqinlaringiz xursand bo‘lishadi. Dam olish kunlarini oila davrasida o‘tkazing.
Manba: Darakchi.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Slovakiya bosh vaziri Putinning taklifini qabul qildi
Organizmda qaysi turdagi vitamin yetishmayotganini qanday aniqlash mumkin?
Germaniya razvedkasi rahbari: “Rossiya yaqin yillarda NATOga hujum qilishi mumkin”
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
Gretsiyada minglab odamlar NATOga qarshi namoyish o‘tkazdi
Eron Isroil bilan keng ko‘lamli urushga tayyorligini ma’lum qildi
Bosh kiyimsiz yurishning organizmga qanday ta’siri bor?
Medvedev Rossiya NATO harbiy bazalariga zarba yo‘llashi mumkinligini istisno qilmadi
