Siyqasi chiqib ketgan maslahatlarga ko‘ra, siz kuniga 8 stakan suv ichishingiz kerak, ya’ni 1600-2000 ml. Umuman olganda, bunday emas. Mutaxassislar suyuqlik iste’mol qilishning yagona qat’iy qoidasi bo‘lishi mumkin emasligi, chunki u har bir holat uchun alohida ko‘rib chiqiladigan ko‘plab omillarga bog‘liqligini ta’kidlashadi. Masalan, kun davomida tanovul qilinadigan oziq-ovqat, ob-havo, kiyim-kechak, ichak faoliyati, emizish davri va boshqalar.
Ozish uchun qay yo‘sindagi suv iste’moli to‘g‘ri keladi?
Katta yoshli va yurak-qon tomir kasalliklaridan aziyat chekuvchi insonlar uchun bir muncha kam miqdordagi suv talab etiladi. Ularning kunlik me’yori — taxminan 1 litr, bundan oshsa yurakka kuchli yuklama tushishi mumkin. Faol hayot tarzida yashovchilar uchun esa hatto 2,5 litr miqdori ham yetarli bo‘lmasligi mumkin.
Suvni qanday ichish kerak?
O‘zingiz uchun kunlik suv me’yorini aniqlash formulasi: 1 kg tana vazniga 30 ml suv. Ammo formula «ishlashi» uchun siz uchun mos keluvchi mukammal tana vaznini aniqlashingiz kerak. Bu nima degani? Aslida vaznning uzunlikka nisbatan «munosib» deb e’tirof etilgan nisbati mavjud. Masalan, agar siz 160 sm balandlikdagi ayol bo‘lsangiz, siz uchun mukammal vazn 50-60 kg.ni tashkil etadi, xuddi shunday bo‘ydagi erkak 55-60 kg tosh bosishi kerak. «Ideal» parametrlarni Solovev indeksi orqali hisoblash mumkin (Google yordamga keladi).
Suv qachon ichish kerak?
Olimlar o‘tkazilgan bir qator tadqiqotlardan so‘ng shunday qarorga keldilarki, ovqat tanovulidan yarim soat oldin ichilgan 500 ml suv inson ochligini qondiradi, kamroq taomlanishga, natijada yanada semirmaslikka va avval yig‘ilgan vaznni yo‘qotishga sabab bo‘ladi.
Ushbu suv bilan vazn yo‘qotish usulining afzalligi shundaki, u oddiy va bepul. Har bir inson o‘zining sog‘ligiga xavf tug‘dirmaydigan tarzda bu usulni sinab ko‘rishi mumkin. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda onkologik kasallikka chalingan ayollar bepul davolanadi
Slovakiya bosh vaziri Putinning taklifini qabul qildi
Bosh kiyimsiz yurishning organizmga qanday ta’siri bor?
Medvedev Rossiya NATO harbiy bazalariga zarba yo‘llashi mumkinligini istisno qilmadi
Endi «Doimiy yashash joyiga ro‘yxatga qo‘yish» qulaylashdi (video)
Organizmda qaysi turdagi vitamin yetishmayotganini qanday aniqlash mumkin?
Gretsiyada minglab odamlar NATOga qarshi namoyish o‘tkazdi
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
