Ko‘k choy ko‘plab kasalliklar, jumladan, insult va saraton ayrim turlari rivojlanishining oldini olishga yordam beradi. Bu haqda Nihon Keizai nashri bilan suhbatda yaponiyalik tadqiqotchi, qishloq xo‘jaligi fanlari doktori Yeiti Fukushima aytib o‘tdi.
Mutaxassisning so‘zlariga ko‘ra, so‘nggi yillarda ushbu mahsulotga bag‘ishlangan epidemiologik tadqiqotlar soni sezilarli darajada oshgan.
«Bir qancha tadqiqotlar natijalarini birlashtirgan va tahlil qilgan 2021 yilgi meta-tahlil shuni ko‘rsatdiki, ko‘k choy iste’moli juda ko‘plab kasalliklarning rivojlanishi, shu jumladan, endometriya, o‘pka va tuxumdon saratoni, shuningdek yurak-qon tomir kasalliklari va insultdan o‘lim xavfi xavfini kamaytiradi», — dedi Fukusima.
Uning aytishicha, bu ko‘k choy tarkibida ko‘p miqdorda aniqlangan katexinlar bilan bog‘liq. «Ko‘k choy tarkibidagi polifenollar choy katexinlari deb ataladi. Ular kuchli antioksidant ta’siriga ega», — deya izohladi mutaxassis.
Fukusima, shuningdek, choy katexinlari yog‘lar parchalanishi va ishlatilishida ishtirok etadigan fermentlarning faolligini oshirib, organizmning yog‘ni energiya uchun ishlatishini osonlashtirishi haqida ma’lum qilgan.
Shu bilan birga, besh oy iste’mol qilgandan so‘ng ushbu mahsulot tarkibidagi katexinlar va teanin gripp virusi bilan kasallanish ehtimolini kamaytirishi ham tasdiqlandi, deya xulosa qilgan u. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Qondagi shakar miqdorini tartibga soluvchi foydali meva nomi aytildi
Biznes imkoniyatingizni kengaytiring
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Zelenskiy: Rossiya Ukrainaning issiqlik energetikasini deyarli to‘liq yakson qildi
Xotirani yaxshilashning juda oddiy usuli topildi
