Naushnik ichini tozalamasa nima bo‘ladi va buni qanday qilish kerak?

^{Foto: Unsplash}
Ko‘pchiligimiz deyarli har kuni naushnikdan foydalanamiz. Quloq tepasiga o‘rnatiladigan monitor modellaridan farqli o‘laroq, quloq ichiga qo‘yiladigan minigarnituralar tezroq ifloslanadi.

Quloq kiri (oltingugurt) tabiiy ravishda quloq kanallarida to‘planadi. Bu bakteriyalar, zamburug‘larni zararsizlantirish uchun quloq ichidagi bezlar tomonidan ishlab chiqariladigan yopishqoq moddadir. Oltingugurt, shuningdek, tasodifan ichkariga kiradigan chang va mayda hasharotlar uchun to‘siq yaratadi. Oltingugurt o‘z-o‘zidan sterildir, ammo o‘z funksiyasini bajargandan so‘ng, u tom ma’noda yuqumli bakteriyalarga to‘ladi. Quloq ichidagi minigarnituralardan foydalanganda, kir quloq yuzasidan ularga o‘tadi.

Qurilmani doim tozalab turmasangiz, bakteriyalarning rivojlanishi uchun qulay muhit yaratiladi. Sport bilan shug‘ullanayotganda musiqa tinglasangiz, vaziyat yanada murakkablashadi. Tanadan ter chiqadi, quloq kanallari esa yopiq bo‘lib, sport muhitida «suzuvchining qulog‘i» deb ataladigan kasallik xavfi paydo bo‘ladi. Bu tashqi akustik kanalning devorlarida terining yallig‘lanishi bo‘lib, keyinchalik membrana va quloq pardasining shikastlanishiga olib kelishi mumkin.

Bundan tashqari, dinamika yuzasidagi kir va chang ovoz sifatini buzadi — uning intensivligini pasaytiradi va nuqsonlarning paydo bo‘lishiga olib keladi.

Eshitish vositalarini qancha vaqtda tozalash kerak?
Eshitish vositalarini qanchalik tez-tez tozalash kerakligi haqida aniq qoidalar yo‘q. Bularning barchasi ularni qancha vaqtdan beri, qanday vaziyatda va qanday sharoitda ishlatganingizga bog‘liq. Dinamikani tekshiring. Agar ularda ko‘rinadigan kir yoki oltingugurt zarralari bo‘lmasa, ularni nam mato bilan artib oling va yana foydalaning. Mashg‘ulot paytida foydalanadigan qurilmalar bundan mustasno. Har bir mashg‘ulotdan keyin, ayniqsa, zalda yaxshigina terlagan bo‘lsangiz, ularni yaxshilab tozalash kerak.

Ichki kanalli naushnikarni qanday tozalash kerak?

^{Foto: Unsplash}
Eshitish vositasidan silikon yostiqchani, agar mavjud bo‘lsa, olib tashlang va uni ifloslantiruvchi katta moddalardan tish kovlagich, quloq tozalagich yoki maxsus qisqich bilan tozalang. Dinamika yuzasiga ko‘p bosim o‘tkazmang. Agar oltingugurt ichkarida tiqilib qolsa, uni chiqarishning imkoni bo‘lmay qoladi.

Ikkita yumshoq salfetka oling. Ulardan birini yumshoq sovunli eritmada namlang (suyuq sovun yoki idish yuvish vositasidan foydalaning, ikkinchisi hatto afzalroq). U bilan karnaylardan tashqari naushniklarning ko‘rinadigan barcha qismlarini artib oling. Ular saqlanadigan maxsus idishini, simlarini yoki zaryadlovchi blokni ham tozalashni unutmang — ular ham muntazam ravishda dezinfeksiya qilinishi kerak.

Shundan so‘ng plastikni toza, tuksiz bo‘lgan quruq mato bilan quriting. Buning uchun optikada ishlatiladigan mikrofibra salfetka mos keladi. Mutaxassislar qurilmalarni fen bilan quritishni tavsiya qilmaydi, chunki issiq havo uning sinishiga olib kelishi mumkin.

Oxirida dinamiklar ichiga suyuqlik tushmasligi uchun tibbiyot spirtiga botirilgan paxtali tayoqcha bilan narsa kirishi mumkin bo‘lgan barcha qismlarga yurg‘izib chiqing. Naushniklar havoda batamom quriganidan so‘ng ularni yana ishlatish mumkin. “Zamin” yangiliklarini “Twitter”da kuzatib boring