Ismaloq, yasmiq va temirga boy boshqa 5 ta mahsulot

^{Foto: Marie Claire}
Temir inson organizmidagi eng muhim mikroelementlardan biri boʻlib, gemoglobin sintezi uchun zarur, kislorodni organ va toʻqimalarga etkazib berish uchun javobgar. Temir teriga ijobiy ta'sir qiladi va soch hamda tirnoqlarning holatini yaxshilaydi. Ayollar uchun ushbu elementning kunlik normasi 18 mg ni tashkil qiladi. Quyida temir va boshqa foydali minerallarga boy mahsulotlar roʻyxatini e'tiboringizga havola etamiz.

Oq loviya

^{Foto: Marie Claire}
100 grammlik portsiya tolaning kunlik ehtiyojini ta'minlaydi va 6 mg temir va 1100 mg kaliyni oʻz ichiga oladi, ularning etishmasligi charchoqqa olib keladi. Oq loviya oqsil, kaltsiy, B vitaminlari va antioksidantlarga boy. Ular biroz kartoshkani eslatuvchi nozik ta'mga ega. Konservalangan shaklda ta'mi yoʻqoladi, shuning uchun oddiy loviyadan foydalanish tavsiya etiladi. Ularni bir sutkaga ivitish, 40 daqiqadan bir yarim soatgacha yumshoq boʻlgunga qadar qaynatish lozim. Qaynatilgan oq loviya goʻsht uchun oddiy garnir hamda shoʻrva kabi suyuq taomlarga qoʻshish uchun ayni muddao. Ushbu foydali mahsulotdan pyure ham tayyorlash mumkin.

Yasmiq

^{Foto: Marie Claire}
100 gramm yasmiqda temir deyarli 12 mg ni tashkil qiladi. Shuningdek, u yurak va asab tizimining toʻliq ishlashi uchun zarur boʻlgan boshqa mikroelementlarga, jumladan, magniyga ham boy. Yasmiq inson organizmida yaxshi kayfiyat uchun mas'ul boʻlgan serotoninga aylanadigan aminokislota triptofan manbai hisoblanadi. Oq loviya kabi yasmiqda yuqori miqdorda tolalar mavjud.

Ismaloq

^{Foto: Marie Claire}
Temir miqdori boʻyicha ismaloq hatto yasmiqdan ham oshib ketadi – 100 gramm uchun 13,5 mg. Shuningdek, u nafaqat koʻrish qobiliyatiga, balki immunitet tizimiga ham foydali ta'sir koʻrsatadigan beta-karotin (4,5 mg) va sogʻlom tishlar, suyak va mushaklar uchun zarur boʻlgan kaltsiyga (106 mg) boy.

Pomidor sharbati

^{Foto: Marie Claire}
Boshqa mahsulotlar bilan taqqoslaganda, pomidor sharbatida temir miqdori pastroq – har bir stakan uchun 1 mg. Ammo u boshqa mikroelementlarning yaxshi manbai: xrom, molibden va kobalt, organizmning metabolizmi uchun zarur boʻlgan elementlar. Bir stakan pomidor sharbati organik kislotalarga boʻlgan kunlik ehtiyojning 50 foizini oʻz ichiga oladi.

Kartoshka

^{Foto: Marie Claire}
Bitta katta pishirilgan kartoshka tarkibida 3 mg temir, koʻp miqdorda C va B vitaminlari mavjud boʻlib, ular hujayra metabolizmi uchun javobgardir. Kartoshka kaliy va oson hazm boʻladigan minerallarning ajoyib manbaidir.

Mol jigari

^{Foto: Marie Claire}
100 gramm mol jigarida taxminan 7 mg temir mavjud. U tarkibida B vitaminlari boʻyicha chempionlardan biri, shuningdek, A va D vitaminlarining ajoyib manbai. Eng muhimi, uning kaloriyasi past – atigi 170 kaloriya. Pishirishdan oldin jigarni sutga bir necha soatga solib qoʻyish tavsiya etiladi, bu uning yumshoq va mazali boʻlishiga yordam beradi.

Ismaloq1 Yasmiq1 Mol jigari1 Temirga boy mahsulot1