Dollar kursi 2002 yildan beri birinchi marta yevro kursidan oshib ketdi

^{Foto: Reuters}
Forex Capital Markets ma’lumotlariga ko‘ra, 1 dollar 2002 yildan beri birinchi marta 1 yevrodan qimmatroq bo‘lmoqda. Yevro 2002 yil dekabridan beri birinchi marta 1 dollar darajasidan pastga tushdi.

Bunga yagona valyuta hududi — Yevropa ittfioqi uchun iqtisodiy istiqbolning yomonlashuvi va Rossiya gazni yetkazib berishni to‘liq to‘xtatib qo‘yish ehtimoli sabab bo‘lmoqda.

Rasmiy ma’lumotlarga ko‘ra, iyun oyida AQSH inflyatsiyasi keskin oshganidan so‘ng yevro kursi 0,9998 dollargacha tushib ketdi.

Uzoq vaqt davomida Amerika va Yevropa valyutalari o‘rtasidagi tafovut anchagina katta edi.

Rossiyaga qarshi sanksiyalar Yevropa Ittifoqi iqtisodiyotiga halokatli zarba berdi.

Buning oqibatida Yevropa valyutasi dollarga nisbatan doimiy ravishda pasayib bormoqda.

Fevral oyida 1 yevro 1,15 dollarga baholangani hisobga olinsa, yevroning pasayish spirali keskin va shafqatsiz tus oldi. “Zamin” yangiliklarini “Odnoklassniki”da kuzatib boring