Foto: cointribune.com
O‘zbekistonda birdaniga ikkita kripto-do‘kon ochiladi. Crypto Trade NET va Crypto Market kompaniyalari o‘z faoliyati uchun litsenziya oldi.
Istiqbolli loyihalar milliy agentligi “Crypto Trade NET” MCHJ va “Crypto Market” MCHJga kripto-aktivlarni sotish faoliyatini amalga oshirishi uchun litsenziya berdi.
«O‘zbekiston kripto-aktivlar muomalasini tartibga solish bo‘yicha yaxshi shakllangan qonunchilik bazasiga ega dunyodagi sanoqli davlatlardan biri hisoblanadi. Ushbu ikki kompaniya MDH va Markaziy Osiyodagi birinchi kripto-do‘konga aylandi», — deyiladi agentlik matbuot xizmati xabarida.
2022 yilning 31 oktabridan kuchga kirgan qoidalarga ko‘ra, kripto-do‘kon mijozlarga elektron platforma yoki savdo obyektiga (oflayn) kirishni ta’minlash orqali kripto-aktivlarni sotib olish/sotish bo‘yicha operatsiyalarni amalga oshiradi.
Elektron platformada O‘zbekiston fuqarolari kripto-aktivlarni so‘mga, chet elliklar esa xorijiy valyutaga sotib olishi yoki sotishi mumkin. To‘lovlar bank o‘tkazmalari orqali amalga oshiriladi.
Oflayn formatda naqd to‘lovlar ham mumkin. Bunda kripto-aktivlarni milliy va xorijiy valyutada sotib olish, ammo ularni faqat so‘mga sotish mumkin.
Kripto-do‘kon operatorlari barcha mijozlarni identifikatsiya qilishi shart.
Kriptodo‘konlarga majburiy identifikatsiyadan o‘tmagan mijozlar, voyaga yetmaganlar, terrorchilik faoliyatida yoki ommaviy qirg‘in qurolini tarqatishda ishtirok etgan yoki ishtirok etishda gumon qilinganlar, O‘zbekiston fuqarolari tomonidan chiqarilgan kripto-aktivlar, anonim kripto-aktivlar, shuningdek, o‘zgarmas tokenlar bilan ishlash taqiqlangan.
2021 yilda O‘zbekistonda kripto-aktivlarni birjada sotib olishga ruxsat berilgan. Kun.uz Loyihalar boshqaruvi milliy agentligi mutaxassisidan kripto-aktivlar borasida muhim savollarga javob olgandi.
Avvalroq Yevropada xavfsizlik va hamkorlik tashkiloti O‘zbekiston maxsus xizmatlari uchun kriptovalyuta va darknet bo‘yicha o‘quv kurslarini boshlagan edi.
Eslatib o‘tamiz, O‘zbekistonda anonim kriptovalyuta mayning qilish, shu jumladan, jismoniy shaxslarning kriptovalyuta mayning qilishi qonun bilan taqiqlangan.
Mayning bilan shug‘ullanuvchi yuridik shaxslar yagona energetika tizimidan foydalansa, elektr energiyasi uchun to‘lovni ikki baravar oshirib to‘lashi shart. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
OAV: Markaziy Osiyo davlatlari dronlar bilan qurollanmoqda
Prezident Mirziyoyev Moskva paradidagi ishtirokidan so‘ng Toshkentga qaytdi
O‘zbekistonda Vengriya va Yevropa kompaniyalari uchun maxsus iqtisodiy zona ishga tushiriladi
Putin taktik yadro quroli bilan mashg‘ulot o‘tkazishni buyurdi. Bu nimani anglatadi?
Jahongir Otajonov “Kachayte” atrofidagi tanqidlar va Ozoda bilan munosabati haqida gapirdi
Turk dunyosining umumiy alifbosi 2026 yilgacha shakllanishi mumkin
Fayzullayev Olimpiadada ishtirok etishi borasidagi savolga nima deb javob berdi?
BMT Isroilni xalqaro huquqning barcha normalarini buzganlikda aybladi
