O‘zbekiston ishchi guruhining BAAga tashrifi doirasida investitsiyalar, sanoat va savdo vaziri Laziz Qudratov yetakchi kompaniyalar rahbarlari bilan bir qator uchrashuvlar o‘tkazdi.
Vazir va ENOC kompaniyalar guruhining bosh ijrochi direktori Humaid al-Falasi o‘rtasida muloqot bo‘lib o‘tdi. Qo‘shma investitsiya loyihalarini amalga oshirish istiqbollarini muhokama qilishga bag‘ishlangan ushbu muzokaralarda mamlakatimizning manfaatdor vazirlik va idoralari rahbarlari ham ishtirok etishdi.
IFFCO Group kompaniyasi direktori Shiraz Allana bilan uchrashuvda qator yo‘nalishlarda o‘zaro hamkorlik aloqalarini o‘rnatish masalalari ko‘rib chiqildi. Xususan, qishloq xo‘jaligi va kimyo sanoati sohalarida qo‘shma investitsiya loyihalarini ishlab chiqish istiqbollari muhokama qilindi.
BAA tomoni pomidor yetishtirish va qayta ishlashning to‘liq jarayonini nazarda tutgan holda O‘zbekistonda eksportga yo‘naltirilgan qishloq xo‘jaligi mahsulotlarini ishlab chiqarish loyihasini amalga oshirishga qiziqish bildirdi.
Bundan tashqari, IFFCO Group'ning shaxsiy gigiyena va sintetik yuvish vositalari segmentidagi tajribasini hisobga olgan holda Chirchiq shahridagi Kimyo sanoat parki negizida ushbu mahsulotlarni ishlab chiqarish bo‘yicha yangi loyihani birgalikda ishlab chiqish masalasi kelishib olindi.
Shu kuni Masdar kompaniyasi bosh direktori Muhammad Jamil al-Ramaxi bilan ham muzokaralar bo‘lib o‘tdi. Unda «yashil» energiyani rivojlantirish sohasida ikki tomonlama hamkorlikni kengaytirish masalalari ko‘rib chiqildi.
Muzokaralar yakunlari bo‘yicha tomonlar ishonchga asoslangan sheriklik munosabatlariga tayangan holda o‘zaro hamkorlikdagi muvaffaqiyatlarni yuqori sur’atlarda rivojlantirishga kelishib oldi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Fransiyadagi muzeydan qiymati 7 mln yevrolik zargarlik buyumlari o‘g‘irlab ketildi
