Oʻzbekiston Respublikasi Markaziy banki 2026 yil 29 aprel sanasidan boshlab amal qiladigan xorijiy valyutalarning soʻmga nisbatan yangi qiymatlarini eʼlon qildi. Unga koʻra, asosiy valyuta birliklarining barchasida pasayish tendensiyasi kuzatildi.
AQSH dollari kursi 43,76 soʻmga arzonlashib, 12 029,20 soʻmni tashkil etdi. Yevro kursi esa keskinroq pasayish koʻrsatib, 111,54 soʻmga kamaydi va 14 065,74 soʻm etib belgilandi.
Rossiya rubli 0,91 soʻmga pasayib, 160,26 soʻmga tushdi. Buyuk Britaniya funt sterlingi 131,48 soʻmga arzonlashib, 16 228,59 soʻm qiymatida qayd etildi.
Shveytsariya franki eng katta pasayishni qayd etdi — valyuta 164,53 soʻmga arzonlashib, 15 228,76 soʻmga teng boʻldi. Xitoy yuani 1 759,48 soʻm (9,89 soʻmga pasayish), Yaponiya iyenasi esa 75,38 soʻm (0,44 soʻmga pasayish) qiymatida baholanmoqda.
“Zamin”ni Telegramʻda oʻqing!
