Polymarket platformasi xususiy kompaniyalarga bog‘liq bo‘lgan yangi bashorat bozorlarini ishga tushirdi. Bu foydalanuvchilarga IPO’gacha bo‘lgan kompaniyalar bilan bog‘liq voqealar bo‘yicha savdo qilish imkonini beradi. Mazkur qadam ma’lumotlar yetishmovchiligi kuzatiladigan xususiy bozorlarda narxlarni aniqlash jarayonini yanada shaffoflashtirishi kutilmoqda. Bu haqda Cointelegraph.com xabar beradi.
Yangi xizmat Nasdaq Private Market bilan hamkorlikda ishlab chiqilgan bo‘lib, u xususiy kompaniyalar aksiyalarining ikkilamchi savdosini osonlashtiradi. Nasdaq Private Market kontraktlar uchun zarur bo‘lgan ma’lumotlar bazasi va bozor infratuzilmasini taqdim etadi. Bozorlar mablag‘ jalb qilish bosqichlari, baholash o‘zgarishlari va startaplar bilan bog‘liq korporativ voqealarni aks ettirishga mo‘ljallangan.
Ushbu tashabbus Polymarket’ning siyosat va makroiqtisodiy voqealardan tashqari, moliyaviy yo‘nalishdagi foydalanuvchilar uchun qamrovini kengaytirishga qaratilgan. Hozirgi kunda dunyo bo‘ylab qiymati 1 milliard dollardan ortiq bo‘lgan 1600 ga yaqin "yakkashox" (unicorn) kompaniyalar mavjud bo‘lib, ularning umumiy bahosi 5 trillion dollardan oshadi.
Mutaxassislarning fikricha, bashorat bozorlarining institutsionallashuvi kuchaymoqda. Garchi hozirda savdo hajmining 80 foizini chakana treyderlar tashkil etsa-da, AQShdagi tartibga solish muhitining yaxshilanishi va bozor infratuzilmasining rivojlanishi professional investorlarning qiziqishini oshirmoqda.
“Zamin”ni Telegramʻda oʻqing!
