12:02 / 12.07.2017
5 840

Shveysariya Milliy banki raisi O‘zbekistonga keldi

Shveysariya Milliy banki raisi O‘zbekistonga keldi
Shveysariya Milliy banki boshqaruvchilar Kengashining raisi Tomas Jordan iqtisodiy hamkorlik doirasida Toshkentga tashrif buyurdi.

Delegasiya a’zolari Markaziy bankka tashrifi chog‘ida mamlakatdagi makroiqtisodiy vaziyat va bank-moliya tizimida olib borilayotgan islohotlar, xususan investisiya muhitini yanada yaxshilash, bank tizimining barqarorligini ta’minlashdagi chora-tadbirlar bilan tanishdilar.

Muzokaralar chog‘ida mehmon O‘zbekistonning pul-kredit, valyuta siyosatini liberallashtirish borasida ko‘rilayotgan sa’y-harakatlarini qo‘llab-quvvatlashini bildirdi.

Janob Jordan O‘zbekiston banklari uyushmasida Markaziy bank xodimlari va tijorat banklari rahbarlari uchun “Iqtisodiy shart-sharoitlar va Shveysariya monetar siyosati” mavzuida taqdimot marosimini o‘tkazdi.

Mehmonlar O‘zbekistonga safari davomida Oliy Majlis Senati rahbariyati va hukumat a’zolari bilan uchrashuvlar o‘tkazdi.

Tashrif dasturida mehmonlarning qadimiy Buxoroga sayohati ham rejalashtirilgan.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Iqtisodiyot » Shveysariya Milliy banki raisi O‘zbekistonga keldi