1 406
O‘zbekiston va Janubiy Koreya erkin savdo to‘g‘risidagi bitimni imzolashni rejalashtirmoqda
Foto: Investitsiyalar va tashqi savdo vazirligi
O‘zbekiston va Janubiy Koreya o‘rtasida erkin savdo to‘g‘risida bitim loyihasini tayyorlash yuzasidan ishlar olib borilmoqda. Bu haqda Investitsiyalar va tashqi savdo vazirligi xabar qildi.
Qayd etilishicha, 25 oktabr kuni O‘zbekiston bosh vaziri o‘rinbosari ¬– investitsiyalar va tashqi savdo vaziri Sardor Umrzoqov hamda Koreya Respublikasi bosh vaziri o‘rinbosari – iqtisodiyot va moliya vaziri Xong Nam Ki o‘rtasida videokonferensiya shaklida muzokaralar bo‘lib o‘tdi.
Muloqotda investitsiyaviy hamkorlikni kengaytirish imkoniyatlari ko‘rib chiqildi. Ikki mamlakatning tegishli vazirlik va idoralari ekspertlari tomonidan hozirgi vaqtda o‘rganilayotgan o‘zaro manfaatli yangi investitsiyaviy loyihalar shakllantirilgani ma’lum qilindi.
Koreya Eksimbanki, Iqtisodiy taraqqiyot jamg‘armasi va Koreya xalqaro hamkorlik agentligi bilan hamkorlikda hayotga tatbiq etilayotgan loyihalar ijrosini yanada jadallashtirishga doir navbatdagi tadbirlar rejalashtirildi. O‘zbekistonda istiqbolli loyihalarni suveren kafolatlarni taqdim etmasdan amalga oshirish maqsadida Iqtisodiy taraqqiyotga ko‘maklashish jamg‘armasi bilan hamkorlikni yo‘lga qo‘yish imkoniyatlari ham ko‘rib chiqildi.
O‘zbekiston va Koreya o‘rtasida erkin savdo to‘g‘risida bitim loyihasini tayyorlash yuzasidan olib borilayotgan ishlar muhokama qilindi. Tomonlar yuzaga kelayotgan masalalar bo‘yicha kelishuvga erishish hamda hujjatni yaqin vaqtda imzolashga tayyorlash bo‘yicha harakatlarni faollashtirish niyatida ekanliklarini bildirgan.
Joriy yil oxirigacha Seul shahrida ikki mamlakat bosh vazirlari o‘rinbosarlarining kengashi hamda savdo-iqtisodiy hamkorlik bo‘yicha O‘zbekiston-Koreya hukumatlararo qo‘mitasi yig‘ilishlari, shuningdek, O‘zbekiston va Koreya ishbilarmon doiralari ishtirokida biznes-forum o‘tkazish bilan bog‘liq masalalar ko‘rib chiqildi.
Muzokaralar yakunida ikki mamlakat tegishli vazirlik va idoralarini jalb etgan holda, muhokama qilingan yo‘nalishlar bo‘yicha qo‘shma tadbirlarni faollashtirishga oid kelishuvga erishildi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Ortiqcha vaznli insonlar uchun sog‘lom ovqatlanishning beshta muhim qoidasi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?