O‘zbekiston Aqtau dengiz savdo porti orqali yuk jo‘natish imkoniyatiga ega bo‘ladi

^{Foto: East-Fruit}
Qozog‘istondagi Aqtau dengiz porti rahbariyati yuklarni tashish borasida O‘zbekiston kompaniyalaridan buyurtma olishga tayyorligini ma’lum qildi, deb xabar beradi «Dunyo» agentligi.

Mazkur kelishuvga O‘zbekistonning Aqtaudagi bosh konsuli va «Aqtau dengiz savdo porti» boshqaruv raisi Abay Turikpenbayev bilan uchrashuv davomida erishilgan.

Shuningdek, uchrashuv davomida tomonlar Aqtau porti orqali O‘zbekiston mahsulotlarini yaqin va uzoq xorij davlatlariga yetkazish masalasini muhokama qilgan.

Aqtau dengiz porti Kaspiy dengizining sharqiy qirg‘og‘ida, bir nechta xalqaro transport koridorlari kesishgan nuqtada joylashgan. Bu Eron, Turkiya, Rossiya, Ozarbayjon, Turkmaniston yo‘nalishlari bo‘yicha yiliga 12 oy davomida quruq yuk, neft mahsulotlarini sharqdan g‘arbga, shimoldan janubga va ortga tashish imkonini beradi. “Zamin” yangiliklarini “Youtube”da kuzatib boring