Shavkat Mirziyoev 29 aprel kuni oʻtkazilgan videoselektor yigʻilishida bir qator mahbuslarni avf etish boʻyicha farmonni imzoladi. Bu haqda prezident matbuot kotibi xabar qildi.
«Ramazon oyi – saxiylik, mehr-oqibat va bagʻrikenglik oyidir. Bu qutlugʻ ayyomda mehr-shafqatli, kechirimli boʻlish hammamiz uchun ham farz, ham qarz», — degan davlat rahbari.
Shu munosabat bilan, Ramazon hayiti arafasida prezident adashib jinoyatga qoʻl urgan, lekin aybini chuqur anglab, tuzalish yoʻliga qat'iy oʻtgan 65 nafar fuqaroni afv etish boʻyicha farmonni imzolagan.
Eslatib oʻtamiz, Shavkat Mirziyoev 2021 yilgi Ramazon hayiti munosabati bilan 100 nafar mahbusni afv etgan edi. 2022 yil yanvar oyi oxirida «Ozodlikdan mahrum etish jazosini oʻtayotgan, qilmishiga chin koʻngildan pushaymon boʻlgan va tuzalish yoʻliga qat'iy oʻtgan bir guruh shaxslarni afv etish toʻgʻrisida»gi prezident farmoni imzolangan, unga koʻra, 44 nafar mahbus muddatidan avval ozod etilgandi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
