Joriy yil 22-25 iyun kunlari O‘zbekiston Milliy gvardiyasi delegatsiyasi Turkiyaga rasmiy tashrifni amalga oshirdi. Delegatsiyani Turkiya jandarmeriyasi bosh qo‘mondoni, armiya generali Orif Chetin kutib oldi.
Do‘stona ruhda o‘tkazilgan muzokaralarda tomonlar xavfsizlikni ta’minlash, kadrlarni tayyorlash va terrorizmga qarshi kurash sohalarida tajriba almashish hamda amaliy hamkorlikni davom ettirish borasida kelishuvga erishdi. Turkiya jandarmeriyasi bosh qo‘mondoni O‘zbekiston Milliy gvardiyasi bilan hamkorlik aloqalarini barcha yo‘nalishlarda kengaytirishga tayyor ekanini ma’lum qildi.
Tashrif davomida delegatsiyamiz a’zolari Jandarmeriya bosh qo‘mondonligi, Jandarmeriya va sohil xavfsizligi akademiyasi, Nevshehir va Istanbul shaharlari boshqarmalari hamda Sohil xavfsizligi va Marmara bo‘g‘ozi bo‘linmalari faoliyati bilan yaqindan tanishdi.
Keyingi vaqtlarda Milliy gvardiya va Turkiya jandarmeriyasi o‘rtasida hamkorlik faollashgani kuzatilmoqda. Avval xabar berganimizdek, joriy yil may oyida Jandarmeriya bosh qo‘mondonining birinchi o‘rinbosari, armiya generali Ali Chardakchi boshchiligidagi delegatsiya O‘zbekistonga tashrif buyurgan va Milliy gvardiya qo‘mondoni, general-mayor Rustam Jo‘rayev bilan uchrashgan edi.
2021 yil noyabr oyida esa Turkiya jandarmeriyasi bosh qo‘mondoni Orif Chetin yurtimizda mehmon bo‘lgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Turkiyaning Harper's Bazaar nashri yil ayolini aniqladi (foto)
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
20 yoshli o‘zbekistonlik qizni qarindoshi Turkiyaga sotib yubordi
Organizm o‘zini toksinlardan qanday tozalaydi?
Shols va Putin o‘rtasidagi suhbat Kiyevga signal bo‘ldi
Ayrim boshqaruv servis kompaniyalari shartnomalarida asossiz shartlar belgilangani aniqlandi
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
Buyrak salomatligi uchun eng foydali sabzavot...
