Andijondagi xonadonlarning birida yong‘in chiqdi

^{Foto: Izboskan tumani hokimligi matbuot xizmati}
Andijon viloyatining Izboskan tumanidagi xonadonlarning birida yong‘in chiqdi. Bu haqda FVV matbuot xizmati xabar berdi.

Tumanning «Daminboy chek» MFY Navnixol ko‘chasida joylashgan uylarning birida yong‘in sodir bo‘layotgani to‘g‘risidagi xabar tuman FVBga 14 iyul kuni soat 12:52 da kelib tushgan.

Shunga ko‘ra, 4 ta yong‘in-qutqaruv ekipaji voqea joyiga soat 13:01 da yetib borib, yong‘in soat 13:06 da qurshab olingan va soat 13:50 da o‘chirilgan.

^{Foto: Izboskan tumani hokimligi matbuot xizmati}
Yong‘in oqibatida uyning 90 kvadrat metr maydonda shift, tom qismi va uy jihozlari yonib zararlangan. Tuman hokimligi matbuot xizmati xabariga ko‘ra, bir qancha uy-ro‘zg‘or buyumlariga ham shikast yetgan.

Hodisa oqibatida tan jarohati olgan va halok bo‘lganlar yo‘q. “Zamin” yangiliklarini “Vkontakti”da kuzatib boring