Bayram munosabati bilan pensiya va nafaqa pullari 1 sentabrgacha plastikka tushirib beriladi

Mustaqillik bayrami munosabati bilan pensiya to‘lovlari kartaga muddatidan oldin tashlab beriladi. Bu haqda Moliya vazirligi huzuridagi Budjetdan tashqari pensiya jamg‘armasi xabar berdi.

O‘zbekiston Mustaqilligining 31 yilligi munosabati bilan 2022 yilning 1—4 sentabr kunlari dam olish kuni deb belgilangan. Shunga ko‘ra, pensiya va nafaqa to‘lovlari oyning birinchi sanasigacha fuqarolarning plastik kartalariga o‘tkazib beriladi. To‘lovlarini naqd shaklda oluvchi fuqarolarga esa 5 sentabrdan boshlab tasdiqlangan grafiklar asosida to‘lovlar boshlanadi.