O‘zbekiston prezidenti Shavkat Mirziyoyev 30 avgust kuni Belarus prezidenti Aleksandr Lukashenko bilan telefon orqali muloqot qildi.
Suhbat avvalida Belarus rahbari Shavkat Mirziyoyev va ko‘p millatli xalqini yaqinlashib kelayotgan mustaqillik bayrami bilan muborakbod etdi, O‘zbekistonga tinchlik-osoyishtalik, barqaror taraqqiyot va ravnaq tiladi. O‘zbekiston prezidenti, o‘z navbatida, Belarus prezidentini tavallud kuni bilan qutlab, unga sog‘lik, baxt-saodat va muvaffaqiyatlar tiladi.
O‘zaro manfaatli hamkorlikni kengaytirish va amaliy sheriklik loyihalarini ilgari surish masalalari muhokama qilindi. Tomonlar oliy darajadagi kelishuvlar amalga oshirilishi tufayli O‘zbekiston-Belarus munosabatlarida yuksak darajaga erishilganini ta’kidladi.
O‘tgan yilda tovar ayirboshlash 44 foizga, joriy yil yetti oyida yana 12 foizga oshdi. O‘tgan hafta Minsk shahrida qo‘shma hukumatlararo komissiya navbatdagi yig‘ilishi muvaffaqiyatli o‘tkazildi.
Iqtisodiyot turli tarmoqlariga doir ishlab chiqilayotgan yirik kooperatsiya loyihalarini jadallashtirish muhimligi qayd etildi. Davlat rahbarlari faol madaniy-gumanitar almashinuv dasturlarini davom ettirish lozimligini ta’kidladi.
Mintaqaviy kun tartibi, joriy yil sentabr oyida Shanxay hamkorlik tashkiloti Samarqand sammitini o‘tkazish yuzasidan fikr almashildi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Tyumen oblastiga O‘zbekistondan mehnat migrantlari ishga jalb qilinadi
Omega-3 qanday qilib ozishga yordam beradi?
Dunyoning mashhur ayollari kunni qanday boshlaydi?
Global ochlik va qashshoqlikka qarshi kurash alyansiga 82 mamlakat a’zo bo‘ldi
Turkiya Isroil prezidenti samolyotini havo hududiga kiritmadi
KXDR Rossiyaga 100 minggacha harbiy yuborishi mumkin
Ijtimoiy tarmoqlar davrida ruhiy salomatlikni qanday saqlash mumkin?
