Xorazmda 3 ming dollarni so‘mga ayirboshlayotgan «valyutchik» ushlandi

^{Foto: Iqtisodiy jinoyatlarga qarshi kurashish departamenti}
Xorazm viloyati Shovot tumanida chet el valyutasini noqonuniy muomalaga kiritilishining oldi olindi. Bu haqda Iqtisodiy jinoyatlarga qarshi kurashish departamenti xabar qildi.

Qayd etilishicha, Bosh prokuratura huzuridagi departamentning Shovot tuman bo‘limi tomonidan tezkor tadbir o‘tkazilgan. Unda tumandagi Najmiddin Kubro ko‘chasida valyuta ayirboshlash bilan shug‘ullanib kelgan T.P. fuqaro A.ga jami 3 000 dollarni 32,8 million so‘mga sotgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda. “Zamin” yangiliklarini “Telegram”da kuzatib boring