Toshkent xalqaro aeroporti eng «stressli» aeroportlar ro‘yxatiga kiritildi

1 daqiqa o'qish2.8K
Toshkent xalqaro aeroporti eng «stressli» aeroportlar ro‘yxatiga kiritildi
Foto: regnum.ru
Dunyodagi stress darajasi eng yuqori bo‘lgan aeroportlar orasida Buyuk Britaniya, Gretsiya va Fransiya havo portlari «yetakchilik» qilmoqda. Ro‘yxatda Toshkent xalqaro aeroporti ham bor.

Hawaiian Islands axborot portali dunyodagi stress darajasi eng yuqori bo‘lgan aeroportlar reytingini tuzdi.

Reytingda Britaniyaning Manchester shahri aeroporti birinchi o‘rinni egalladi – internetda ushbu maskan haqidagi sharhlarning qariyb 82,5 foizida salbiy ma’lumotlar yoki shikoyatlar bor. Yo‘lovchilar sharhlarda «sharmandalik», «yetishmaslik», «navbatda turish» va «fars» so‘zlarini eng ko‘p ishlatishgan.

Stress darajasi yuqori bo‘lgan ikkinchi aeroport Gretsiyaning Iraklion shahridagi «Nikos Kazandzakis» havo porti (82,12 foiz) bo‘ldi, uchinchi o‘rinda Angliya poytaxti London shahridagi Stansted havo porti (77,5 foiz). Ulardan keyingi o‘rinlarni Kanadaning Toronto, Fransiyaning Bordo, Angliyaning Luton va Bristol, Germaniyaning Berlin, Belgiyaning Bryussel aeroportlari egallagan.

Hawaiian Islands axborot portali reytingiga ko‘ra, O‘rta Sharq va Markaziy Osiyo hududi bo‘yicha eng stressli aeroport – Turkiyaning Istanbul shahridagi Sabihe Go‘kchan aeroporti (62,65 foiz) hisoblanadi. Isroilning Ben Gurion aeroporti (53,58 foiz) ikkinchi, Turkiyaning Antaliya aeroporti (53,04 foiz) uchinchi o‘rinda qayd etilgan.

Shuningdek, ro‘yxatda Islom Karimov nomidagi Toshkent xalqaro aeroporti ham bo‘lib, 46,02 foiz ko‘rsatkich bilan 7-o‘rinda qayd etilgan.

Reytingda Qozog‘istonning Olmaota aeroporti (46,84 foiz) beshinchi, Chimkent aeroporti (40,03 foiz) o‘n to‘rtinchi, Astana aeroporti (35,96) yigirmanchi, Qirg‘izistonning Manas aeroporti (37,48 foiz) o‘n oltinchi o‘ringa loyiq ko‘rilgan.

Reytingni tuzishda tadqiqotchilar dunyoning 500 dan ortiq aeroportlari bo‘yicha Google platformasida qoldirilgan 1500 dan ortiq sharhlarni o‘rganib chiqishgan. Aeroportlar noroziliklar chastotasi va shikoyatlari soniga qarab tartiblangan.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?