16:51 / 12.05.2016
8 117

Topinambur o‘simligini Qoraqalpog‘iston sharoitida etishtirish yo‘lga qo‘yildi

Topinambur o‘simligini Qoraqalpog‘iston sharoitida etishtirish yo‘lga qo‘yildi
11 may kuni Toshkent shahridagi «O‘zekspomarkaz»da boshlangan IX Innovasion g‘oyalar, texnologiyalar va loyihalar respublika yarmarkasida qariyb 650ta yangi loyiha taqdim etilmoqda.

Berdaq nomidagi Qoraqalpoq davlat universiteti vakillari yarmarkada topinambur etishtirish va uning konsentratidan kukun tayyorlash texnologiyasini namoyish etgan.

Universitetning biologiya kafedrasi dosenti Mahmuda Nazarovaning so‘zlariga ko‘ra, topinambur ko‘plab foydali xususiyatlarga ega. Shu bois bu o‘simlikni Qoraqalpog‘iston sharoitida etishtirish yo‘lga qo‘yildi. Undan tayyorlanadigan kukun yurak qon-tomir kasalliklaridan aziyat chekayotgan, qandli diabet bilan og‘rigan bemorlar uchun foydali hisoblanadi.

Yarmarkada bu mahsulotni sanoat asosida ishlab chiqarish uchun hamkor topish rejalashtirilgan.

Ma’lumot uchun, topinambur (yoki ildizmevali kungaboqar) o‘simligining vatani Shimoliy Amerika bo‘lib, u erda o‘simlikning yovvoyi turlari ko‘p uchraydi. O‘simlikni, shuningdek, “er noki” deb ham atashadi, deyiladi "Kun" nashrida.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Topinambur o‘simligini Qoraqalpog‘iston sharoitida etishtirish yo‘lga qo‘yildi
[/banner_pushhouse