Iqtido qiluvchi oxirgi safda yolg‘iz turishi mumkinmi?

CAVOL: Jamoat namozida oxirgi safda bir kishi turishi mumkinmi?

JAVOB: Oldingi safda bo‘sh joy qolmagan bo‘lsa, iqtido qiluvchi keyingi safda yolg‘iz turishi makruh hisoblanadi. Shuning uchun aslida oldingi saf chetidagi kishining yelkasidan tortib, o‘zi turgan safga sherik qilib qo‘shib olishi kerak edi. Lekin oldingi safda namoz o‘qiyotgan kishilar bu hukmdan bexabar bo‘lib, yelkasidan tortganda bu holatni tushunmay namozini buzib qo‘yish ehtimoli bo‘lsa, namozga keyin kelgan kishi yolg‘iz o‘zi orqa safda turaverishi mumkin. Vallohu a’lam.

Manba: O‘zbekiston musulmonlari idorasi Fatvo markazi “Zamin” yangiliklarini “Telegram”da kuzatib boring