223
Majburiy ijro byurosi Namangan viloyati boshqarmasi tomonidan kirib kelayotgan umumxalq bayram - Navro‘zi olam munosabati bilan sportning mini futbol turi bo‘yicha musobaqa tashkil etildi. "Sportni sev, sport bilan yasha” shiori ostida bo‘lib o‘tgan musobaqada boshqarma va uning hududiy bo‘limlari xodimlaridan iborat 14 ta jamoa kuch sinashdi. Ushbu musobaqa O‘zbekiston davlat muassasalari va jamoat xizmati xodimlari kasaba uyushmasi Namangan viloyati kengashi bilan hamkorlikda tashkil qilindi.
1-sonli futbol maktabiga qarashli sun’iy qoplamali maydonlarda bo‘lgan bahslarda har bir o‘yinlar murosasiz, qizg‘in kurashlarga boy tarzda kechdi. Qur’a natijalariga ko‘ra, bir-biriga to‘qnash kelgan jamoalarning maydondagi harakatlari barchada qiziqish uyg‘otdi. Ayniqsa, yarim finalga yo‘llanma olgan boshqarma, Namangan shahri, Uchqo‘rg‘on va Mingbuloq tumanlari jamoalari o‘rtasidagi bahslar murosasiz kechdi. Finalda o‘tgan yilgi ssenariy takrorlandi. Ya’ni, bir-biriga to‘qnash kelgan viloyat boshqarmasi va Uchqo‘rg‘on tumani bo‘limlari jamoasi bu yilgi musobaqada ham kuch sinashdilar.
Hal qiluvchi bahsda viloyat boshqarmasi jamoasi musobaqa g‘olibligini qo‘lga kiritdi. Ikkinchi o‘ringa Byuroning Uchqo‘rg‘on, faxrli uchinchi o‘rindan esa Mingbuloq tumani jamoasi joy oldi. Musobaqa yakunida g‘olib jamoalar va eng yaxshi darvozabon, himoyachi va hujumchilar taqdirlandi.
MIB Namangan viloyati boshqarmasi
10:23, 27-04-2025
