22:47 / 15.06.2016
7 015

Samarqandda “Yagonasan, muqaddas Vatan!” ko‘rik-tanlovi bo‘lib o‘tdi

Samarqandda “Yagonasan, muqaddas Vatan!” ko‘rik-tanlovi bo‘lib o‘tdi
Samarqand shahar hokimligi madaniyat va sport ishlari bo‘limi “Yagonasan, muqaddas Vatan!” ko‘rik-tanlovining shahar saralash bosqichi A.P.Chexov nomidagi rus drama teatri binosida bo‘lib o‘tdi.

Ushbu tanlovda yangragan dasturlarni baholab borish, eng yaxshilarini viloyat bosqichiga olib chiqish hay’at a’zolariga oson bo‘lmadi. O‘zbekiston Xalq artisti, hay’at raisi Mardon Mavlonov, O‘zbekistonda xizmat ko‘rsatayotgan artist Vahobiddin Baxrievlar tanlovining nufuzi oshib borayotganligi, tanlov bahonasida juda yaxshi qo‘shiqlar yaratilganini ta’kidlab o‘tdilar.

Tanlovga qatnashish istagini bildirib 50dan ortiq turli yoshdagi iste’dod egalari murojaat qilgan edilar. Tashkiliy qo‘mita a’zolari tushgan dasturlarni yaxshilab o‘rganib chiqqandan so‘ng Samarqand shahar bosqichiga yigirmadan ortig‘ini ishtirok etishlari uchun nufuzli hakamlar hay’at a’zolarini e’tiboriga tavsiya etdilar.

Tadbirning ochilishi “Nihol” tanlovining Samarqand bosqichi g‘oliblarini tag‘dirlash marosimi bilan boshlandi. Mukofotlarni O‘zbekiston Xalq artisti Mardon Mavlonov va O‘zbekistonda xizmat ko‘rsatayotgan artist Vahobiddin Baxrievlar topshirishdi.

Ochil Jumanazarov, Samarqand shahar Amir Temur madaniyat
va aholi dam olish markazi direktori

A. Ivanov olgan suratlar


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Samarqandda “Yagonasan, muqaddas Vatan!” ko‘rik-tanlovi bo‘lib o‘tdi