2023 yil 17 noyabr kuni soat 20:15 da Havo hujumidan mudofaa qo‘shinlari va Harbiy havo kuchlari qo‘mondonligiga tegishli Mi-8 vertolyoti «Kattaqo‘rg‘on» poligonida o‘quv parvozini amalga oshirayotganida halokatga uchradi. Bu haqda Mudofaa vazirligi xabar berdi.
Qayd qilinishicha, fojia oqibatida vertolyot ekipaji halok bo‘lgan. Ularning soni xabarda keltirilmadi.
Hodisa joyida maxsus komissiya avariya sabablarini aniqlash ustida ish olib borayotgani ta’kidlanmoqda.
Mi-8 1960 yillarning boshlarida M.L.Mil eksperimental konstruktorlik byurosi tomonidan ishlab chiqilgan ko‘pmaqsadli vertolyot. U aviatsiya tarixidagi eng mashhur vertolyotdir. Turli fuqarolik va harbiy vazifalarni bajarish uchun dunyoning 50 dan ortiq mamlakatlarida keng qo‘llaniladi.
Norasmiy ma’lumotlarga ko‘ra, 2023 yil holatiga ko‘ra O‘zbekistonda 52 ta Mi-8 vertolyoti mavjud.
“Zamin” yangiliklarini “Telegram”da kuzatib boring
