15:42 / 08.08.2016
6 973

Asakadagi avtomobilsozlik zavodida har yilgi profilaktika boshlandi

Asakadagi avtomobilsozlik zavodida har yilgi profilaktika boshlandi
8-avgustdan GM Uzbekistan qo‘shma korxonasining Andijon viloyati Asaka shahridagi zavodida yillik rejaga muvofiq, profilaktika ishlari boshlandi. Bu haqda «Kun.uz» xabar berdi.

«Ushbu amaliyot doirasida korxonadagi uskuna va qurilmalarning texnik holati ko‘zdan kechiriladi, kerak bo‘lsa ta’mirlanadi hamda kuz-qish mavsumiga tayyorgarlik ko‘riladi», — deb xabar qiladi Gazeta.uz sayti.

Kompaniyada ma’lum qilishlaricha, shunga qaramay, GM Uzbekistan tayyor mahsulotlarni mijozlarga etkazib berish bo‘yicha barcha shartnomalardagi majburiyatini o‘z muddatida amalga oshiradi. Profilaktika ishlari avtomobillarni ichki va tashqi bozorga etkazib berish ishlariga xalaqit bermaydi.

Matbuot xabarnomasida ta’kidlanishicha, Asaka avtomobil zavodi faoliyati to‘xtashining profilaktikadan boshqa sababi mavjud emas.

GM Uzbekistan kompaniyasining Xorazmdagi «Xorazm Avto» sho‘’ba korxonasida 2013-yilda ishga tushirilgani bois, profilaktika ishlari o‘tkazish talab qilinmaydi va o‘z faoliyatini shtatlar jadvali bo‘yicha davom ettiradi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Asakadagi avtomobilsozlik zavodida har yilgi profilaktika boshlandi