Mijozlarini «Umra»dan olib kelmagan aviakompaniya mansabdori qamoqqa olindi

Mijozlarini «Umra» safaridan qaytarish choralarini ko‘rmagan hamda boshqa jiddiy qonunbuzilish holatlariga yo‘l qo‘ygan xususiy avikompaniya – «Panorama airways» mansabdor shaxslariga nisbatan jinoyat ishi qo‘zg‘atildi. Holat yuzasidan tergov harakatlari olib borilmoqda.

Transport prokuraturasi jinoyat ishi doirasida 1 nafar shaxsga nisbatan «qamoqqa olish» ehtiyot chorasini qo‘llagan.

Ma’lumot uchun, bir muddat oldin «Panorama airways» kompaniyasi tomonidan parvozlarning kechikishi tufayli o‘zbekistonlik ziyoratchilarning «Umra» safaridan qayta olmayotganligi haqida xabarlar tarqalgan edi. “Zamin”ni Telegramʻda oʻqing!