date
views 136

Toshkentda ko‘chaga chiqindi tashlagan YPX inspektori javobgarlikka tortildi

Toshkentda ko‘chaga chiqindi tashlagan YPX inspektori javobgarlikka tortildi
Foto: Uznews
Toshkent shahrida belgilanmagan joyga plastik chiqindini tashlagan yo‘l-patrul xizmati xodimi javobgarlikka tortildi.

Ijtimoiy tarmoqlarda 5 fevral kuni avtomobillardan birining videoregistratori YPX xodimi foydalanib bo‘lingan bir martalik konteynerni yerga tashlab, keyin esa ariq ichiga tepib yuborgani holatini tasvirga olgan video tarqaldi.

Qayd etilishicha, 8 fevral kuni Yashnobod tumani ekologiya bo‘limi xodimlari tomonidan huquqbuzarlik sodir etgan YPX inspektori jarimaga tortilgan.

Unga nisbatan Ma’muriy javobgarlik to‘g‘risidagi kodeksning 91-1-moddasi (Belgilanmagan joylarga qattiq maishiy chiqindilarni va qurilish chiqindilarini tashlash, shuningdek, suyuq maishiy chiqindilarni to‘kish) bilan ma’muriy bayonnoma rasmiylashtirilib, BHMning 3 barobari (1 million 20 ming so‘m) miqdorida jarima belgilangan.
Ctrl
Enter
Xato topdIngizmi
Iborani ajratib Ctrl+Enter tugmasini bosing
Yangiliklar » Jamiyat » Toshkentda ko‘chaga chiqindi tashlagan YPX inspektori javobgarlikka tortildi