X ijtimoiy tarmog‘ida O‘zbekiston haqida so‘rovnoma o‘tkazildi: Eng mehmondo‘st, boy tarixga ega mamlakat...

X (sobiq Twitter)dagi statistikalar berib boruvchi dunyoga mashhur World of Statistics “Siz O‘zbekistonni bilasizmi?” deya so‘rovnoma o‘tkazdi.
So‘rovnomada ishtirok etgan 30 mingdan ortiq respondentlarning 82 foizi “Ha” deb javob bergan.

^{Kadr: X}
Shuningdek, turli millat vakillari mamlakat haqida o‘z izohlarini qoldirgan. Masalan, quyida ulardan biri taqdim etiladi:
“O‘zbekiston Markaziy Osiyoda joylashgan, boy tarixi, rang-barang madaniyati va ajoyib me’morchiligi bilan mashhur davlat. O‘zbekistonning diqqatga sazovor tomonlari quyidagilardan iborat:

1. Ipak yo‘li merosi: O‘zbekiston qadimiy Ipak Yo‘lining muhim markazlaridan biri bo‘lib, Sharq va G‘arb o‘rtasidagi savdo va madaniy almashinuvlarni osonlashtirgan. Mamlakatning shaharlari, jumladan Samarqand, Buxoro va Xiva, tarixiy yodgorliklari va UNESCO‘ning Jahon Merosi ro‘yxatiga kiritilgan diqqatga sazovor joylari bilan mashhur.

2. Islom arxitekturasi: O‘zbekistonda islom me’morchiligining hayratlanarli namunalari, jumladan, muhtasham masjid, madrasalar va murakkab koshinlar, gumbazlar va minoralar bilan bezatilgan maqbaralar mavjud.

3. An’anaviy oshxona: o‘zbek oshxonasi O‘rta Osiyo merosi ta’sirida mazali va xilma-xildir. Ba’zi mashhur taomlar orasida palov (plov), kabob, somsa, turli xil suyuq ovqatlar va salatlar mavjud.

4. Mehmondo‘stlik: O‘zbekiston o‘zining samimiy mehmondo‘stligi bilan mashhur. Mehmonlarga ko‘pincha saxiylik va hurmat bilan munosabatda bo‘lishadi: choy ichish va mehmonlar bilan ovqatlanish odatlari misolida.

5. Tabiiy go‘zalliklar: tarixiy va madaniy diqqatga sazovor joylari bilan bir qatorda, O‘zbekiston kishilarni lol qoldiradigan tabiiy manzaralari, jumladan tog‘lar, sahrolar va unumdor vodiylari bilan tanilgan. Mamlakatning xilma-xil geografiyasi piyoda sayr qilish, lager qurish va yovvoyi tabiatni kuzatish kabi mashg‘ulotlarga imkoniyatlar yaratadi.

Umuman olganda, O‘zbekiston tarix, madaniyat, oshxona va tabiiy go‘zallikka qiziquvchi sayohatchilar uchun ayni muddao”.

Bundan tashqari, ko‘plab xorijliklar izohlarda O‘zbekiston Bobur vatani ekanini qayd etgan. Ulardan biri shunday izoh qoldirgan:
“Nahotki hindlar bu mamlakat haqida bilmasa. Axir Toj Mahalni bunyod etgan Zahiriddin Muhammad Bobur O‘zbekistondan kelgan”.

Yana aksar chet elliklar O‘zbekiston ular sayohat qilgan mamlakatlar orasida eng mehmondo‘st ekaniga urg‘u berib, yuqori tezlikda harakatlanadigan Afrosiyob poyezdi haqida izoh qoldirgan. Ayrimlar esa o‘zbek qizlarining go‘zalligini alohida qayd etgan.

Izohlar orasida bir xorijlik O‘zbekiston nomining o‘zidan mamlakatni yoqtirib qolganini ta’kidlagan. Shu bilan birgalikda, O‘zbekiston buyuk tarixga ega buyuklar vatani ekani alohida e’tiborga olingan. O‘zbekiston dunyoda eng yaxshi ipak matolarni ishlab chiqarish bilan mashhurligi ham aytib o‘tilgan.

“Naqsh qilishdan avval iplar bo‘yalgan ikat to‘qish san’ati O‘zbekistonda asrlar davomida amalda bo‘lib kelgan va hozir ham qadrlanib kelinmoqda”, — deyiladi izohda. “Zamin” yangiliklarini “Telegram”da kuzatib boring