Yo‘l harakati qoidalari buzilishiga doir ma’muriy ishlarni ko‘rib chiqish tartibiga o‘zgartirish kiritiladi

Ichki ishlar vazirining “Yo‘l harakati qoidalari buzilishiga doir ma’muriy ishlarni ko‘rib chiqish tartibi to‘g‘risidagi yo‘riqnoma 58-bandiga o‘zgartirish kiritish haqida”gi buyrug‘i loyihasi e’lon qilindi.

Loyiha “Sud qarorlarining qonuniyligi, asosliligi va adolatliligini tekshirish instituti takomillashtirilishi munosabati bilan Ma’muriy javobgarlik to‘g‘risidagi kodeksiga o‘zgartirishlar kiritish haqida”gi qonun hamda Vazirlar Mahkamasi topshiriq xati ijrosini ta’minlash maqsadida ishlab chiqilgan.

Loyihada ichki ishlar vazirining 2011 yil 31 maydagi 68-son buyrug‘i bilan tasdiqlangan Yo‘l harakati qoidalari buzilishiga doir ma’muriy ishlarni ko‘rib chiqish tartibi to‘g‘risidagi yo‘riqnoma 58-bandi ikkinchi xatboshisiga o‘zgartirish kiritish nazarda tutilmoqda.

Xususan, mazkur yo‘riqnomaning 58-bandi ikkinchi xatboshisida ma’muriy huquqbuzarlik to‘g‘risidagi ish yuzasidan chiqarilgan qaror ustidan yuqori turuvchi organga (mansabdor shaxsga) yoki jinoyat ishlari bo‘yicha tuman (shahar) sudiga shikoyat berilishi mumkinligi nazarda tutilmoqda.

Loyihada aytilishicha, u haydovchilarga yanada qulaylik yaratishga, jumladan, ma’muriy huquqbuzarlik to‘g‘risidagi ish yuzasidan chiqarilgan qaror ustidan yuqori turuvchi organga (mansabdor shaxsga) yoki jinoyat ishlari bo‘yicha tuman (shahar) sudiga shikoyat berishda qonuniylikka xizmat qiladi. “Zamin” yangiliklarini “Telegram”da kuzatib boring