Buxoro viloyati, Qorako‘l tumani fuqarosi turmush o‘rtog‘ini 16 marotaba pichoqlab o‘ldirdi. Qotillik rashk tufayli sodir bo‘lgan.
Ma’lum bo‘lishicha, Qorako‘l tumani mahalllaridan birida yashab kelayotgan 49 yoshli H.O. bir necha kun ilgari 34 yoshli xotini S.E.ni rashk tufayli 16 marotaba pichoqlab o‘ldirgan.
Mahalla raisining bildirishicha, har ikki fuqaro ham avvalgi turmushidan ajralgan va qonuniy nikohda ikkinchi turmush bilan yashab kelishayotgan bo‘lgan. S.E. fuqaro H.O. bilan turmush qurgach, 1 yoshga yetmagan emizikli qiz farzandi bilan ushbu xonadonga kelgan.
«Oilada yana uch farzand dunyoga keldi. Ikki qiz va bir o‘g‘il. Hozir S.E.ning farzandi 15 yoshda. Aqlli, esli, hushli qiz. Ota-onasiga mehr bilan ulg‘aydi. Uka-singillariga ham o‘zi bosh-qosh. Erkak ikkinchi guruh nogirogi bo‘lgani bois, doimiy mahalla e’tiborida bo‘lib kelgan. Ko‘mak, moddiy yordamlar berib turilgan. Yig‘in yoki tadbirlarda er-xotin ikkalasi ham birinchilardan bo‘lib kelishardi. To‘g‘risi, er-xotin o‘rtasidagi janjal, kelishmovchilik, ur-sur haqidagi gap-so‘zlar ko‘chaga chiqmagan va bunday bo‘lmagan ham. Ayoli tumandagi ip-yigiruv fabrikasida ishlardi. Faqat H.O.da bitta ayb – o‘ta kuchli rashki bor edi. Ayolini ortidan ishxonasiga boraverar, janjal ko‘tarmasa-da, ortidan hech qo‘ymasdi. Qotillik haqida eshitib, dong qotdik», — deydi mahalla raisi.
Ayni paytda holat yuzasidan Buxoro viloyati prokuraturasi tomonidan tergovga qadar tekshiruv harakatlari olib borilmoqda. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
AQSH Isroilga qurol yetkazib berishni to‘xtatdi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi