![Soliqda «tozalash»: 3 ta viloyat va 4 ta tumanda mansabdor soliqchilar ishdan olindi](/uploads/posts/2024-07/xf618a63a17_11686290_0029371845_1920x0_80_0_0_bec15152ea171d8d61c4f88fe0b64780.webp.pagespeed.ic.zsjXQa9TgB.webp)
Soliq qo‘mitasida joriy yilning 1-yarimyillik yakuni va 3-chorakdagi dolzarb vazifalar yuzasidan Hay’at majlisi bo‘lib o‘tdi.
Qo‘mita raisi Sherzod Kudbiyev rahbarligida bo‘lib o‘tgan kengaytirilgan Hay’at majlisida qayd etilishicha, joriy yilning 1-yarimyilligida budjetga 85,8 trln so‘m miqdorida soliq tushumlari ta’minlanib, o‘tgan yilning mos davriga nisbatan 12,5 foizga, hududlarda 24,4 foizga, tumanlarda 37 foizga o‘sgan.
Mol-mulk solig‘i tushumlari esa 37,6 foiz, yer solig‘i 31,2 foiz, suv resurslaridan foydalanganlik uchun soliq 21 foiz, AOS 19 foiz va jismoniy shaxslardan olinadigan daromad solig‘i 18 foizga o‘sgan.
Hududlarda foyda solig‘i tushumi 32,3 foiz va QQS 20,6 foizga o‘sdi. Pensiya jamg‘armasiga 23,1 trln so‘m tushirilib, o‘tgan yilning mos davriga nisbatan 3,1 trln so‘mga (16 foiz) oshdi.
Yig‘ilishda, shuningdek, xizmat vazifasini bajarish va soliq ma’murchiligini ta’minlashda jiddiy xato va kamchiliklarga yo‘l qo‘ygan xodimlar faoliyati jiddiy tanqid qilinib, tashkiliy masalalar ko‘rib chiqildi.
Jumladan, berilgan ogohlantirishlar, profilaktik suhbatlar, ko‘rilgan intizomiy choralardan xulosa chiqarmasdan xato va kamchiliklarga yo‘l qo‘ygan hamda belgilangan samaradorlik ko‘rsatkichlari past bo‘lgan Qashqadaryo, Andijon, Farg‘ona viloyati soliq boshqarmalari boshliqlari o‘rinbosarlari, Paxtaobod, Izboskan, Sharof Rashidov va Yangi Namangan tumani soliq inspeksiyasi boshliqlari hamda 25 nafar mas’ullar bilan tuzilgan mehnat shartnomasi bekor qilindi.
Bundan tashqari, 150 nafarga yaqin xodimga intizomiy choralar belgilandi 15 nafar xodimning unvoni 1 pog‘onaga pasaytirildi.
Yig‘ilishda hududiy soliq organlari va markaziy apparat rahbar hamda mas’ulllarning hisobotlari eshitilib, 3-chorakda soliq tushumlarini kamida 20 foizga oshirish, qo‘shimcha manbalarni jalb etish, soliq to‘lovchilarga ko‘maklashish, yashirin iqtisodiyotni qisqartirish hamda soliqsiz tushumlarni ta’minlash bo‘yicha tegishli organlar bilan hamkorlik samaradorligini yanada oshirish, korrupsiya holatlariga yo‘l qo‘ymaslik va sohani raqamlashtirishni izchil davom ettirish yo‘nalishlarida aniq muddatli vazifalar belgilab olindi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![Bayden: “Men dunyoni boshqaraman” расм](/uploads/posts/2024-07/x69e948c158_photo_2024-07-07_12-54-25-2cskoewe.webp.pagespeed.ic.-zKzH7dc18.webp)
Bayden: “Men dunyoni boshqaraman”
![Qo‘qonda 6 yoshli bolani mashina yukxonasiga solgan shaxsga hukm o‘qildi расм](/uploads/posts/2024-07/x2651c1bb74_hkduzprwfaespuw-19h2e4ca9ojmkwts.webp.pagespeed.ic.uyqBJnn_1N.webp)
Qo‘qonda 6 yoshli bolani mashina yukxonasiga solgan shaxsga hukm o‘qildi
![“Hizbulloh” yetakchisi HAMAS delegatsiyasi bilan uchrashdi расм](/uploads/posts/2024-07/x98af62a5b5_hez-q9_6had1.webp.pagespeed.ic.n83UJaMBUW.webp)
“Hizbulloh” yetakchisi HAMAS delegatsiyasi bilan uchrashdi
![Bahodir Jalolov Oleksandr Usikni yenga oladimi? расм](/uploads/posts/2024-07/x7b71316f1d_a08c17f98579be0c141d76a65ac0640f-bqdoakq9.webp.pagespeed.ic.vfAN8e4qxC.webp)
Bahodir Jalolov Oleksandr Usikni yenga oladimi?
![Moskvada sotib yuborilgan, qo‘shmachilik bilan shug‘ullangan mahkuma nadomatlari расм](/uploads/posts/2024-07/x3a9f8379cf_photo_2024-07-05_18-22-32-vq54wdc1.webp.pagespeed.ic.8Nm39bAxXZ.webp)
Moskvada sotib yuborilgan, qo‘shmachilik bilan shug‘ullangan mahkuma nadomatlari
![Rossiya Ukraina Milliy gvardiyasining prezident brigadasi bazasiga zarba berdi расм](/uploads/posts/2024-07/x0ddc545264_44601631_001280720_1920x0_80_0_0_3200a045759070300de1ff80c0de0229_jpg.webp.pagespeed.ic.CHCoq_0u8X.webp)
Rossiya Ukraina Milliy gvardiyasining prezident brigadasi bazasiga zarba berdi
![Masharipov: “Qatardagi chempionatda kim penalti tepishini men hal qilganman” расм](/uploads/posts/2024-07/x4ee69c21f3_skvby517053287643799_l.webp.pagespeed.ic.EvmThp6VnS.webp)
Masharipov: “Qatardagi chempionatda kim penalti tepishini men hal qilganman”
![O‘zbekiston Olimpiya terma jamoasi a’zosi “Paxtakor”ga o‘tdi расм](/uploads/posts/2024-07/x5c61f2b2d8_abdurauf-buriyev-flag-zpqphdhl.webp.pagespeed.ic.juD9zpgEbF.webp)
O‘zbekiston Olimpiya terma jamoasi a’zosi “Paxtakor”ga o‘tdi