![Fatvo markazi Madinada pul evaziga xurmo ekish bo‘yicha munosabat bildirdi](/uploads/posts/2024-08/xd9f717d0dc_xr-g0mlil8g.webp.pagespeed.ic.24Ve0FglYx.webp)
Foto: rooziato.com
So‘nggi kunlarda ijtimoiy tarmoqlarda “Madina shahrida xurmo ekib, savob oling” mazmunidagi pul evaziga ko‘chat ekishni va’da qilayotganlar videolari tarqalmoqda. Shuningdek, ushbu yerga daraxt ekishning ajri katta ekani, yillar davomida savobi yetib turishi haqida targ‘ibot qilinmoqda.
O‘zbekiston musulmonlari idorasi Fatvo markazi mazkur masalani o‘rganib, o‘z munosabatini bildirdi.
“Darhaqiqat, ko‘chat ekish savobi ulug‘ amal. Alloh taolo insonga Yer yuzini obod qilishni buyurib: “U sizlarni yerdan paydo qildi va unga sizni obodligi uchun qo‘ydi”, deb xitob qiladi (Hud, 61).
Payg‘ambarimiz sollallohu alayhi vasallam: “Qaysi bir musulmon daraxt yo ekin eksa-yu, undan qushmi, insonmi yoki hayvonmi yesa, albatta, shu sababli u uchun sadaqa bo‘lur”, deganlar” (Imom Buxoriy rivoyati).
Mo‘tabar manbalarda: “Inson namoz o‘qib, ro‘za tutib, sadaqa qilib, savobini tirik yoki mayyitga bag‘ishlasa bo‘ladi va savobi ularga yetib boradi...”, deb bayon qilingan. Ushbu oyati karima, hadisi sharif va shar’iy masalalardan ma’lum bo‘ladiki, vafot etganlarga atab bog‘ qilish orqali savobini bag‘ishlash va ko‘chat ekish ajru mukofotli amallardandir.
Shubhasiz, Rasululloh sollallohu alayhi vasallamga muhabbatimiz cheksiz, Ul zotning shaharlariga sevgimiz hadsiz, tuproqlari ko‘zimizga to‘tiyo. Biroq, hozirgi kunda ayrim hamyurtlarimizning bir necha ming kilometr masofadan turib, Madina shahrida xurmo ekishga buyurtma berishi, ijtimoiy tarmoqlarda keng yoyishi va bu holatni ommalashtirishi dinga ham, mantiqqa ham, sunnatga ham to‘g‘ri kelmaydi.
Masalani diniy jihatdan ko‘rib chiqadigan bo‘lsak, oyatu hadislarda xayru ehsonni yaqinlardan boshlashga ko‘p ko‘rsatma kelganiga guvoh bo‘lamiz. Qur’oni karimda: “...Ota-onaga, qarindoshlarga, yetimlarga, miskinlarga, yaqin qo‘shnilarga, yon qo‘shnilarga, yonboshdagi sohiblarga, ko‘chada qolganlarga va qo‘lingizda mulk bo‘lganlarga yaxshilik qilinglar...” (Niso, 36), deb ko‘rsatma berilgan.
Muhammad sollallohu alayhi vasallam bir sahobaga: “(Yaxshilikni) o‘zingdan boshla va (avvalo o‘zinga) sadaqa qil, agar undan biror narsa ortib qolgan bo‘lsa, ahlingga (ber). Agar ahlingdan biror narsa ortib qolgan bo‘lsa, qarindoshlaringga ber. Agar qarindoshlaringdan biror narsa ortib qolsa, mana bu va mana bularga ber", dedilar (Imom Muslim rivoyati).
Demakki, ko‘chat ekishdek xayrli ishlarni avvalo hovli-joylarimiz, ko‘cha-kuylarimiz, mahallayu guzarlarimizda amalga oshirishga juda ham katta ehtiyoj bor. Chunki, ayrim vaqtlarda ro‘y berayotgan chang-to‘zonlar, qum va chang bo‘ronlari va iqlim o‘zgarishi kabi holatlar bevosita daraxtzor va ko‘chatzorlarning yetishmasligidandir.
Yanada himmatli hamyurtlarimiz bo‘lsa, Orol dengizi atrofida saksovul, qandim, cherkes, qorabaroq kabi cho‘l o‘simliklari ekib, o‘rmonzorlar barpo qilish orqali mamlakatimizdagi ekologik holatni yaxshilash, zararli tuz va changlar ko‘tarilishining oldini olishga ko‘maklashishlari juda ham zarurdir”, deyiladi bayonotda.
Shuningdek, keltirilgan oyatu hadislarga binoan fuqarolar avvalo o‘zlari yashab turgan uy-joyni obod qilish, yon-atrofga mevali va manzarali daraxtlar ekish eng savobli amal ekani ta’kidlangan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![Superliga. "So‘g‘diyona" safarda "Neftchi"ni yirik hisobda mag‘lub etdi расм](/uploads/posts/2024-08/x6899465e69_b60b37e68ad842ec8895b7b5f86bd0e3.webp.pagespeed.ic.y33Q0QpZLj.webp)
Superliga. "So‘g‘diyona" safarda "Neftchi"ni yirik hisobda mag‘lub etdi
![Frontdagi vaziyat: Ukraina qurolli kuchlari katta tavakkalchilik qilmoqda расм](/uploads/posts/2024-08/x09ac8d2164_yzym813estj8ja_irnrxm2lpip-dwuqo.webp.pagespeed.ic.JfmyxPg2kY.webp)
Frontdagi vaziyat: Ukraina qurolli kuchlari katta tavakkalchilik qilmoqda
![Britaniya diplomati hukumat Isroilga qurol sotgani uchun iste’foga chiqdi расм](/uploads/posts/2024-08/x5d25e95ce9_photo_2024-08-19_20-47-44-jwnxfuwx.webp.pagespeed.ic.BlHY_w1em8.webp)
Britaniya diplomati hukumat Isroilga qurol sotgani uchun iste’foga chiqdi
![O‘zbekistonda 20 avgust kuni qanday ob-havo bo‘lishi ma’lum qilindi расм](/uploads/posts/2024-08/xbecdfc9c7f_920__95_4194481678.webp.pagespeed.ic.uCTN4WdrO3.webp)
O‘zbekistonda 20 avgust kuni qanday ob-havo bo‘lishi ma’lum qilindi
![Rossiya Ukrainadagi urush bo‘yicha muzokaralar olib borilayotganini rad etdi расм](/uploads/posts/2024-08/x59d2e0fccb_2pzkbwu7lvonxs6rpjnqwjgs_v-kcuhp.webp.pagespeed.ic.rdl2H5-xMS.webp)
Rossiya Ukrainadagi urush bo‘yicha muzokaralar olib borilayotganini rad etdi
![Abbosbek Fayzullayev Moskvada yashash xarajatlari qimmatligini aytdi расм](/uploads/posts/2024-08/xddf59dbde0_3312-_jrda7jv.webp.pagespeed.ic.-YTiJ-021c.webp)
Abbosbek Fayzullayev Moskvada yashash xarajatlari qimmatligini aytdi
![Isroil va Hamas muzokaralari: AQSH va vositachilar optimistik kayfiyatda расм](/uploads/posts/2024-08/x56a4364e02_ow6wj7v7wzplra7f51kfhruljvrtrog9.webp.pagespeed.ic.aYcHN52qRC.webp)
Isroil va Hamas muzokaralari: AQSH va vositachilar optimistik kayfiyatda
![Isroil 450 ming falastinlikni «xavfsiz zona»dan ko‘chib ketishga majbur qilmoqda расм](/uploads/posts/2024-08/x2f79929226_fue1zkj3efkm3wg6nmqn5gb-b6p24z9t.webp.pagespeed.ic.a90P_z4F3d.webp)
Isroil 450 ming falastinlikni «xavfsiz zona»dan ko‘chib ketishga majbur qilmoqda