“Xon atlas” festivali – qadriyatlarimiz ziynati

‼️ Xabaringiz bor shu kunlarda yurtimizda “Xon atlas” festivali o‘tkazilmoqda.

🏥 Bu galgi festival Milliy tibbiyot markazida ham o‘zgacha ruhda tashkil etildi.

🌺 Markazda o‘tkazilgan “Xon atlas” festivali doirasida 8 nafar hamshiralarning munosib ishtiroki ta’minlanib, ular nafosat, go‘zallik va zukkolik bobida o‘zaro bellashdilar.

📚 Birinchi shart "Men haqimda" deb nomlandi va bunda ishtirokchilar 3 daqiqa ichida o‘zining shaxsiy hayoti, ma’lumoti, qiziqishlari, ishdagi yutuqlari, kitobxonlik salohiyati va boshqa qobiliyatlarini yoritib berdilar.

📌 Ikkinchi shart savollarga javob berish sharti bo‘lib, bunda hamshiralarning milliy urf-odatlarimiz haqidagi bilimlari sinovdan o‘tkazildi.

Aytish kerakki, bellashuvda hakamlar hay’ati ishtirokchilarning qobiliyati, liboslari, estetik madaniyati hamda notiqlik mahoratiga alohida e’tibor berdilar.

✅ Shuningdek, tanlov doirasida xon atlasning kelib chiqish tarixi va shakllanish bosqichlari, shuningdek, ushbu milliy matoni ishlab chiqarish texnologiyasi va dizayni haqidagi ham qiziqarli ma’lumotlar taqdim etildi.

♻️ Tanlov yakunida har bir shartda o‘z iste’dodi, tashabbuskorligini namoyon etib, eng yaxshi natijalarni qayd etgan ishtirokchilar taqdirlandilar.

🏆 G‘oliblarga Markaz rahbariyatining pul mukofotlari hamda esdalik sovg‘alari topshirildi.

“Zamin” yangiliklarini “Odnoklassniki”da kuzatib boring